കാലടി: നീലീശ്വരം മുണ്ടങ്ങാമറ്റം സഹൃദയ കലാവേദി ആൻഡ് ലൈബ്രറിയുടെ സുവർണ ജൂബിലി ആഘോഷ പരിപാടി സമാപിച്ചു. സ്റ്റേറ്റ് ലൈബ്രറി കൗൺസിൽ പ്രസിഡൻ്റ് ഡോ. ധർമ്മരാജ് അടാട്ട് പൊതുസമ്മേളനം ഉദ്ഘാടനം ചെയ്തു. ലൈബ്രറി പ്രസിഡൻ്റ് ടി.എൽ പ്രദീപ് അദ്ധ്യക്ഷനായി. താലൂക്ക് ലൈബ്രറി കൗൺസിൽ സെക്രട്ടറി വി.കെ. ഷാജി ആമുഖ പ്രഭാഷകനായി. സിനി – സീരിയൽ നടൻ സാജൻ പള്ളുരുത്തി മുഖ്യാതിഥിയായി സംസാരിച്ചു. ജി.സി.ഡി.എ എക്സിക്യൂട്ടീവ് കമ്മിറ്റി അംഗം അഡ്വ. കെ.കെ. ഷിബു സമ്മാനദാനം നിർവ്വഹിച്ചു. 25 വർഷം പഞ്ചായത്ത് മെമ്പർ സ്ഥാനം വഹിച്ച ആനി ജോസിനെ ലൈബ്രറിയുടെ മൊമൻ്റോ മുൻ മന്ത്രി ജോസ് തെറ്റയിൽ നൽകി ആദരിച്ചു.
അങ്കമാലി ഉപജില്ല ശാസ്ത്രമേളയുടെ ലോഗോ വരയ്ക്കൽ മത്സരത്തിൽ ഒന്നാം സ്ഥാനം നേടിയ ശിവാനന്ദ് സിനോജിനെ ആദരിച്ചു. വിജി റെജി, സതിഷാജി, അമ്പിളി ജഗത്ത്സൻ, സഹൃദയായുടെ ആദ്യ കാല പ്രവർത്തകർ ചേർന്ന് മത്സര വിജയികൾക്ക് സമ്മാനങ്ങൾ വിതരണം ചെയ്തു. സ്റ്റേറ്റ് ലൈബ്രറി കൗൺസിൽ പ്രസിഡൻ്റായി ചുമതല ഏറ്റ ഡോ. ധർമ്മ രാജ് അടാട്ടിനെ ലൈബ്രറി സെക്രട്ടറി ഷൈൻ. പി. ജോസ് സ്വീകരിച്ചു. കെ. കെ. രവി, ടി.സി. ബാനർജി, പി.പി. സുരേന്ദ്രൻ, എം.പി. വർഗ്ഗീസ്, പി.കെ. രാജൻ വനിതാവേദി , യുവത എന്നിവർ ഭാരവാഹികൾ നേതൃത്വം വഹിച്ചു. സാംസ്ക്കാരിക ഘോഷയാത്ര, നൃത്തനൃത്ത്യങ്ങൾ, സ്നേഹ വിരുന്ന് എന്നിവ നടന്നു
