കാലടി: കാലടി പ്ലാന്റേഷനിൽ കാട്ടാനയെ ചെരിഞ്ഞ നിലയിൽ കണ്ടെത്തി. ഏകദേശം 10 വയസ്സുള്ള പിടിയാനയെയാണ് റോഡിനോട് ചേർന്നുള്ള തോട്ടിൽ ചെരിഞ്ഞ നിലയിൽ കണ്ടെത്തിയത്. രാവിലെ ജോലിക്ക് എത്തിയ തൊഴിലാളികളാണ് കാട്ടാനയുടെ ജഡം കണ്ടത്. തുടർന്ന് തൊഴിലാളികൾ വനം വകുപ്പ് ഉദ്യോഗസ്ഥരെ വിവരം അറിയിക്കുകയായിരുന്നു. മരണകാരണം വ്യക്തമല്ല. പോസ്റ്റുമോട്ടത്തിനുശേഷം ജഡം സംസ്കരിക്കും.
