കാലടി: പെരിയാറിൽ വീണ പെൺകുട്ടിക്ക് രക്ഷകനായി പിക്കപ്പ് വാൻ ഡ്രൈവർ. പിറവം മാമലശേരി
സ്വദേശി ജിജോ ജോയി ആണ് പെരിയാറിൽ വീണ പെൺകുട്ടിയുടെ ജീവൻ രക്ഷിച്ചത്. ഇന്ന് രാവിലെ 10. 30 ഓടെയായിരുന്നു സംഭവം. കാലടി പാലത്തിൽ നിന്നും പെൺകുട്ടി പുഴയിലേക്ക് ചാടുകയായിരുന്നു. ഇത് ലോഡുമായി വരികയായിരുന്ന ജിജോ കണ്ടു. പെൺകുട്ടിയോട് പുല്ലിൽ പിടിച്ച് കിടക്കാൻ ജിജോ പറഞ്ഞു.
ഉടൻ തന്നെ ജിജോ പുഴയിലേക്കിറങ്ങി. ജിജോ നീന്തി ചെന്ന് പെൺകുട്ടിയുടെ മുടിക്ക് കുത്തിപ്പിടിച്ച് കരക്കടുപ്പിച്ചു. അപ്പോഴെക്കും നാട്ടുകാരും ഓടിയെത്തി. ഉടൻ പെൺകുട്ടിയെ കാലടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പെൺകുട്ടി അപകടനില തരണം ചെയ്തു. ജിജോയുടെ ഭാര്യ അഞ്ജന രാമംഗലം പഞ്ചായത്തംഗമാണ്‌
