കാലടി: കാലടിയിൽ സ്കൂൾ വിദ്യാർത്ഥിനിയെ തട്ടികൊണ്ട് പോകാൻ ശ്രമിച്ചതായി പരാതി. സ്കൂൾ ബസിൽ നിന്നും ഇറങ്ങി കാലടി ആശ്രമം റോഡിലെ കെഎസ്ഇബി ഓഫീസിന് സമീപമുള്ള വഴിയിൽ കൂടി വീട്ടിലേക്ക് നടന്ന് പോകുമ്പോൾ അപരിചിതനായ ഒരാൾ ബൈക്കിൽ വന്ന് കുട്ടിയെ ബൈക്കിൽ കയറ്റി കൊണ്ട് പോകാൻ ശ്രമിക്കുകയായിരുന്നു. ഭയപ്പെട്ട കുട്ടി ബൈക്കിൽ കയറാൻ കൂട്ടാക്കാതെ ഓടി രക്ഷപെടുകയും ചെയ്തു. ഈ സമയം വഴിയിൽ മറ്റാരും ഇല്ലായിരുന്നു.കുറച്ച് ദൂരം ബൈക്കിൽ പിന്തുടർന്ന വ്യക്തി പിന്നീട് തിരിച്ചു് പോവുകയും ചെയ്തു. തുടർന്ന് കുട്ടി വീട്ടിൽ പറയുകയും വീട്ടുകാർ പോലീസിൽ പരാതി നൽകുകയും ചെയ്തു. പോലീസ് സ്ഥലത്ത് എത്തി അന്വേഷണം ആരംഭിച്ചിട്ടുണ്ട്. സമീപത്തെ സിസിടിവികൾ പരിശോധിക്കുകയാണ് പോലീസ്.
