കാലടി: യുകെയിൽ ജോലിസ്ഥലത്തുണ്ടായ അപകടത്തിൽ മരിച്ച കാലടി കൊറ്റമം സ്വദേശിയായ റെയ്ഗൻ ജോസിന്റെ (36) സംസ്ക്കാരം ഞായറാഴ്ച്ച വൈകീട്ട് 5 ന് കൊറ്റമം സെന്റ്: ജോസഫ് പളളിയിൽ നടക്കും. ഞായറാഴ്ച്ച രാവിലെ മൃതദേഹം നെടുമ്പാശേരി വിമാനത്താവളത്തിൽ എത്തും. മെയ് 29 നാണ് റെയ്ഗൻ മരിച്ചത്. ജോലി ചെയ്യുന്ന വെയർ ഹൗസിൽ വെച്ച് വലിയ ബീം തലയിൽ പതിക്കുകയും , അതുമൂലം തലയ്ക്ക് ഗുരുതരമായി പരിക്കേറ്റതുമാണ് മരണകാരണം. 4 മാസം മുൻപാണ് റെയ്ഗൻ യുകെയിലേക്ക് പോയത്. ഭാര്യ സ്റ്റീന (നേഴ്സ് യുകെ) 4 വയസുകാരി ഈവ മകളാണ്.
