Keralam

കാലടി: ആദിശങ്കര ഇൻസ്റ്റിറ്റ്യൂട്ട് ഓഫ് എൻജിനീയറിങ്ങ് ആൻറ് ടെക്‌നോളജിയിലെ 2 വിദ്യാർത്ഥികൾക്ക് മുഖ്യമന്ത്രിയുടെ വിദ്യാർത്ഥി പ്രതിഭാ പുരസ്‌ക്കാരം ലഭിച്ചു. ബിടെക് സിവിൽ എൻജിനിയറിങ്ങ് വിദ്യാർത്ഥികളായ പി.ആർ രജിത്ത്, സാന്ദ്ര ശശി എന്നിവർക്കാണ് പുരസ്‌ക്കാരം ലഭിച്ചത്. ഇവർക്ക് ഒരു ലക്ഷം രൂപ വീതം ലഭിക്കും. വരാപ്പുഴ പുത്തൻവീട്ടിൽ പി. ജി രാജുവിന്റെയും, ജീന രാജുവിന്റെയും മകനാണ് രജിത്ത്. മുപ്പത്തടം കോഴിക്കാട്ടിൽ വീട്ടിൽ കെ. വി ശശിയുടെയും ബീനയുടെയും മകളാണ് സാന്ദ്ര.  

പാലക്കാട്: ഷോപ്പിങ് മാളിനു കൈവശ സർട്ടിഫിക്കറ്റ് അനുവദിക്കാൻ താലൂക്ക് ഓഫിസിൽ വച്ച് അരലക്ഷം രൂപ കൈക്കൂലി വാങ്ങുന്നതിനിടെ ഭൂരേഖ തഹസിൽദാറെ വിജിലൻസ് അറസ്റ്റ് ചെയ്തു. പാലക്കാട് ഭൂരേഖ തഹസിൽദാർ വി.സുധാകരനാണ് അറസ്റ്റിലായത്. കഞ്ചിക്കോട് പണിപൂർത്തിയാക്കിയ ഷോപ്പിങ് മാളിന്റെ പാട്ടക്കരാർ ഉടമയായ ഐസക് വർഗീസിന്റെ പരാതിയുടെ അടിസ്ഥാനത്തിലാണ് അറസ്റ്റ്. നേരത്തെ കൈവശ സർട്ടിഫിക്കറ്റ് നൽകിയെങ്കിലും പിന്നീട് റദ്ദാക്കി. പല തവണ ആവശ്യപ്പെട്ടിട്ടും അനുവദിച്ചില്ല. കോടതിയെ സമീപിച്ചെങ്കിലും തടസ്സവാദങ്ങൾ തുടർന്നു. പിന്നീട് പണം ആവശ്യപ്പെടുകയായിരുന്നെന്നു പരാതിക്കാരൻ വിജിലൻസിനെ അറിയിച്ചു. ഇന്നലെ […]

ആലപ്പുഴ:ആലപ്പുഴയില്‍ പ്രസവ നിർത്തൽ ശസ്ത്രക്രിയയ്ക്ക് വിധേയയായ യുവതി മരിച്ചു. ആലപ്പുഴ പഴയ വീട് സ്വദേശി ശരത്തിന്റെ ഭാര്യ ആശ (31) ആണ് മരിച്ചത്. ആലപ്പുഴ വനിതാ ശിശു ആശുപത്രിയിലാണ് യുവതിയുടെ ലാപ്രോസ്കോപ്പി ശസ്ത്രക്രിയ നടന്നത്. ശസ്ത്രക്രിയയ്ക്ക് പിന്നാലെ ഗുരുതരാവസ്ഥയിലായ ആശയെ ഇന്നലെ വണ്ടാനം മെഡിക്കൽ കോളേജിൽ പ്രവേശിപ്പിക്കുകയായിരുന്നു. ഇന്ന് വൈകിട്ടോടെ മരണം സംഭവിച്ചത്. പോസ്റ്റുമോട്ടത്തിന് ശേഷം മാത്രമേ മരണകാരണം വ്യക്തമാവുകയുള്ളൂ എന്ന് മെഡിക്കൽ കോളേജ് സൂപ്രണ്ട് അറിയിച്ചു. സംഭവത്തില്‍ ലീഗൽ സർവീസ് അതോറിറ്റി സ്വമേധയാ കേസെടുത്തു.

കാലടി: വിശ്വാസസാഗരത്തിൽ ആറാടി കാഞ്ഞൂർ സെന്റ് മേരീസ് ഫൊറോന പള്ളിയിൽ വിശുദ്ധ സെബസ്ത്യാനോസിന്റെ തിരുനാൾ ആഘോഷിച്ചു. ഉച്ചയ്ക്ക് അങ്ങാടി പ്രദക്ഷിണവും വൈകിട്ട് പള്ളി ചുറ്റി സമാപന പ്രദക്ഷിണവും നടത്തി. പ്രദക്ഷിണത്തിന്റെ മുന്നിൽ ഉണ്ണീശോയുടെ രൂപവും പിന്നിലായി വിശുദ്ധ യൗസേപ്പിതാവിന്റെയും പരിശുദ്ധ മാതാവിന്റെയും രൂപങ്ങൾക്കു നടുവിൽ വിശുദ്ധ സെബസ്ത്യാനോസിന്റെ രൂപവും അണി നിരന്നു. പോളണ്ടിൽ‍ നിന്നു കൊണ്ടുവന്നു സ്ഥാപിച്ചിട്ടുള്ള വിശുദ്ധ സെബസ്ത്യാനോസിന്റെ രൂപം പ്രദക്ഷിണത്തിനു പുറത്തിറക്കാറില്ല. വൈകിട്ട് 6.30നു പുറത്തിറങ്ങിയ പള്ളി ചുറ്റി സമാപന പ്രദക്ഷിണവും പൂർത്തിയാകാൻ 3 […]

മാവേലിക്കര :  ബിജെപി നേതാവും അഭിഭാഷകനുമായിരുന്ന രൺജീത് ശ്രീനിവാസിനെ കൊലപ്പെടുത്തിയ കേസിൽ വിവിധ വകുപ്പുകൾ പ്രകാരം 15 പ്രതികളും കുറ്റക്കാരെന്നു കണ്ടെത്തിയതായി കോടതി. ശിക്ഷ തിങ്കളാഴ്ച വിധിക്കും. 12 പേരാണ് കൊലപാതകത്തിൽ നേരിട്ടു പങ്കെടുത്തത്. മൂന്നു പേർ ആസൂത്രകരാണ്. പ്രതികൾക്ക് പരമാവധി ശിക്ഷ നൽകണമെന്നു പ്രോസിക്യൂഷൻ വാദിച്ചു. മാവേലിക്കര അഡീഷനൽ ജില്ലാ സെഷൻസ് കോടതി ജഡ്ജി (ഒന്ന്) വി.ജി.ശ്രീദേവിയാണു വിധി പറഞ്ഞ​ത്. സുരക്ഷാ ക്രമീകരണങ്ങളുടെ ഭാഗമായി കോടതി പരിസരത്ത് നൂറിൽപരം പൊലീസുകാരെ വിന്യസിച്ചിരുന്നു. എസ്ഡിപിഐ, പോപ്പുലർ ഫ്രണ്ട് […]

പറവൂർ: വഴിയാത്രിക്കാരിയായ വീട്ടമ്മയുടെ മാലപൊട്ടിച്ച് കടന്ന് കളഞ്ഞയാൾ പോലീസ് പിടിയിൽ. പറവൂർ ചെറിയ പല്ലംതുരുത്തിൽ വാടകയ്ക്ക് താമസിക്കുന്ന കിഴക്കേപ്പുറം മാളിയേക്കൽ വീട്ടിൽ ജോയി (53) ആണ് പറവൂർ പോലീസിന്റെ പിടിയിലായത്. കഴിഞ്ഞ ശനിയാഴ്ച രാവിലെയാണ് സംഭവം. തൃക്കേപ്പറമ്പ് പറയക്കാട് റോഡിലൂടെ നടന്നു പോയ വീട്ടമ്മയുടെ ഒന്നരപ്പവൻ തൂക്കം വരുന്ന മാലയാണ് സ്ക്കൂട്ടറിലെത്തിയ മോഷ്ടാവ് കവർന്നത്. തുടർന്ന് പോലീസ് നടത്തിയ ശാസ്ത്രീയ അന്വേഷണത്തിലാണ് പ്രതി പിടിയിലാകുന്നത്. വേറെയും കേസുകൾ ഇയാൾക്കെതിരെയുണ്ട്. മുനമ്പം ഡി വൈ എസ് പി എം.കെ […]

അങ്കമാലി: അങ്കമാലി തുറവൂർ കൊമരയിൽ ദിവസങ്ങളോളം പഴക്കമുള്ള പുരുഷന്റെ മൃതദേഹം കണ്ടെത്തി.ജാതി തോട്ടത്തിനുള്ളിൽ മരത്തിൽ തൂങ്ങിയ നിലയിലാണ്. മൃതദേഹം ജീർണിച്ച അവസ്ഥയിലാണ്. ആരാണെന്ന് തിരിച്ചറിഞ്ഞിട്ടില്ല. അങ്കമാലി പോലീസ് സ്ഥലത്തെത്തി തുടർനടപടികൾ സ്വീകരിച്ചിട്ടുണ്ട്. മൃതദേഹത്തിന് ആഴ്ചകളോളം പഴക്കമുണ്ടെന്ന് പോലീസ് അറിയിച്ചു. ജാതിത്തോട്ടം വൃത്തിയാക്കാൻ എത്തിയ തൊഴിലാളിയാണ് മൃതദേഹം കണ്ടത്. ഉടൻതന്നെ തോട്ടം ഉടമയേയും അങ്കമാലി പോലീസിനെയും വിവരം അറിയിക്കുകയായിരുന്നു. നിലവിൽ അങ്കമാലി പോലീസ് സ്റ്റേഷൻ പരിധിയിൽ മിസ്സിംഗ് കേസുകൾ നിലവിലില്ലെന്നും പോലീസ് അറിയിച്ചു. തുടർനടപടികൾക്ക് ശേഷം മാത്രമേ മൃതദേഹം […]

പെരുമ്പാവൂർ : നാലാം ക്ലാസ് വിദ്യാർഥിനി സ്‌കൂൾ ബസിന് അടിയിൽപ്പെട്ട സംഭവത്തിൽ പ്രതിയായ ഡ്രൈവറുടെ ലൈസൻസ് മോട്ടോർ വാഹന വകുപ്പ് സസ്‌പെൻഡ് ചെയ്തു. പെരുമ്പാവൂർ മെക്ക സ്‌കൂളിലെ ബസ് ഡ്രൈവർ ഉമ്മറിന്റെ (54) ലൈസൻസാണ് സസ്പെൻഡ് ചെയ്തത്. കഴിഞ്ഞ 12-ന് ഒക്കലിലാണ് സംഭവം. വീടിനു മുന്നിൽ സഹോദരിയോടൊപ്പം സ്‌കൂൾ ബസിൽ നിന്ന് ഇറങ്ങിയ പെൺകുട്ടി ബസിനു മുന്നിലൂടെ റോഡിന്റെ മറുഭാഗത്തേക്ക്‌ കടക്കുമ്പോഴാണ് ബസ് അശ്രദ്ധമായി മുന്നോട്ടെടുത്തത്. ബസിന്റെ അടിയിൽ ഇരുവശങ്ങളിലെയും ചക്രങ്ങൾക്ക് നടുവിൽ വീണതിനാൽ കുട്ടി കാര്യമായ […]

ആലുവ: മുപ്പത്തിയഞ്ചോളം മോഷണക്കേസുകളിലെ പ്രതി പിടിയിൽ. തൃക്കാക്കര കുന്നത്ത്കൃഷ്ണപുരം വീട്ടിൽ വിഷ്ണു (36) നെയാണ് കുന്നത്ത്നാട് പോലീസ് അറസ്റ്റ് ചെയ്തത്. ഇയാളെ ചോദ്യം ചെയ്തപ്പോൾ തെളിഞ്ഞത് പന്ത്രണ്ട് മാല പൊട്ടിക്കൽ കേസും, ഒരു ബൈക്ക് മോഷണവും. ജില്ലാ പോലീസ് മേധാവി ഡോ.വൈഭവ് സക്സേനയുടെ നിർദ്ദേശപ്രകാരം രൂപീകരിച്ച പ്രത്യേക അന്വേഷണ സംഘം ചാലക്കുടിയിലെ ബാർ ഹോട്ടലിൽ നിന്നുമാണ് ഇയാളെ പിടികൂടിയത്. പിടികൂടുന്നതിനിടയിൽ പോലീസിനെ ആക്രമിച്ച് രക്ഷപെടാൻ ശ്രമിച്ച പ്രതിയെ സാഹസികമായാണ് കസ്റ്റഡിയിലെടുത്തത്. കിഴക്കമ്പലത്തെ മെഡിക്കൽ ഷോപ്പിൽ മരുന്ന് മേടിക്കാനെത്തിയ […]

കാലടി: മുണ്ടങ്ങാമറ്റം സഹൃദയ കലാവേദി ആൻഡ് ലൈബ്രറി സുവർണ്ണ ജൂബിലിയുടെ ഭാഗമായി നിർമ്മിച്ചു നൽകുന്ന ഭവനത്തിന്റെ താക്കോൽ ദാനം വെളളിയാഴ്ച്ച വൈകിട്ട് 4 മണിക്ക് നടക്കും. ലൈറ്റ് ഇൻ ലൈഫ് സ്വിറ്റ്‌സർലാന്റ് എന്ന സംഘടനയുടെ 116-ാം മത്തെ വീട് നിർമ്മാണ പദ്ധതിയിൽ ഉൾപ്പെടുത്തി അനുവദിച്ചു കിട്ടിയ തുകയും സഹൃദയ ലൈബ്രറി സമാഹരിച്ച തുക ചേർത്ത് പത്തര ലക്ഷം വില വരുന്ന വീടാണ് നിർമ്മിച്ച് കൈമാറുന്നത്.ലൈറ്റ് ഇൻ ലൈഫ് സംഘടനയുടെ പ്രസിഡന്റ് എ.പി. ഷാജി എടത്തല താക്കോൽ കൈമാറും. […]

കൊച്ചി:മതനിന്ദ ആരോപിച്ച് അധ്യാപകന്‍റെ കൈവെട്ടിമാറ്റിയ കേസിലെ മുഖ്യ ആസൂത്രകനും ഒന്നാം പ്രതിയുമായ സവാദിനെ പ്രൊ. ടി.ജെ ജോസഫ് തിരിച്ചറിഞ്ഞു. എറണാകുളം സബ് ജയിലിൽ നടത്തിയ തിരിച്ചറിയൽ പരേഡിലാണ് ഒന്നാം പ്രതി സവാദിനെ പ്രൊ. ടി.ജെ ജോസഫ് തിരിച്ചറിഞ്ഞത്. ആക്രമണത്തിന് ശേഷം ഒളിവിൽ പോയ സവാദിനെ കഴിഞ്ഞ ആഴ്ച കണ്ണൂരിൽ നിന്ന് എൻഐഎ അറസ്റ്റ് ചെയ്തിരുന്നു. 13 വർഷമായി ഒളിവിലായിരുന്ന സവാദിനെ കണ്ണൂർ മട്ടന്നൂരിൽ നിന്നാണ് എൻഐഎ അറസ്റ്റ് ചെയ്തത്. മട്ടന്നൂരിൽ ഷാജഹാൻ എന്ന പേരിൽ ഒളിവിൽ താമസിച്ച് […]

പത്തനംതിട്ട: കൂട്ടുകാർക്കൊപ്പം പത്തനംതിട്ട കൂട്ടാങ്കലിൽ പടയണി കാണാൻ പോയ വിദ്യാർത്ഥി അപകടത്തിൽപ്പെട്ട് മരിച്ചു. കറിക്കാട്ടൂർ സി സി എം ഹയർസെക്കൻഡറി സ്കൂൾ വിദ്യാർത്ഥി ശ്രീശാന്ത് എസ് ആണ് മരിച്ചത്. വെള്ളാവൂർ പഞ്ചായത്ത് മുൻ പ്രസിഡന്റ് സുരേഷ് മൈലാട്ടുപാറയുടെ മകനാണ് ശ്രീശാന്ത്. പടയണി കാണാൻ സുഹൃത്തുക്കൾക്കൊപ്പമാണ് പോയത്. മടങ്ങിവരും വഴി കാൽ വഴുതി വീണ് തലയ്ക്ക് പരിക്കേറ്റായിരുന്നു മരണമെന്ന് പൊലീസ് പറഞ്ഞു. ഇന്നലെ രാത്രി ഉണ്ടായ സംഭവത്തെ പറ്റി പൊലീസ് വിശദമായ അന്വേഷണം തുടങ്ങി.

കാലടി: കാലടി ശ്രീശങ്കര കോളേജിലെ നാല് വിദ്യാർത്ഥികൾ മുഖ്യമന്ത്രിയുടെ വിദ്യാർത്ഥി പ്രതിഭാ പുരസ്‌കാരം നേടി. പി.സി മണികണ്ഠൻ (ബിഎസ്ഇ സ്റ്റാറ്റിസ്റ്റിക്സ്) അലീന അഗസ്റ്റിൻ (ബിഎസ്ഇ ഫിസിക്സ്) എം.കെ ഫാത്തിമ റംസീന (മൈക്രോബയോളജി) ദേവിനന്ദന ദാസ് (മൈക്രോബയോളജി) എന്നിവർക്കാണ് പ്രതിഭാ പുരസ്‌ക്കാരം ലഭിച്ചത്. ഒരു ലക്ഷം രൂപ വീതം ഇവർക്ക് ലഭിക്കും. നെല്ലാട് പടിഞ്ഞാറേത്തടത്ത് വീട്ടിൽ പി.എൻ ചന്ദ്രന്റെയും, വി.ജി ബേബിയുടെയും മകനാണ് മണികണ്ഠൻ. അങ്കമാലി തുറവൂർ പാലാട്ടികൂനത്താൻ വീട്ടിൽ പി.ഒ അഗസ്റ്റിന്റെയും, അൽഫോൻസ അഗസ്റ്റിന്റെയും മകളാണ് അലീന. […]

കാലടി: മധ്യപ്രദേശ്‌ മുൻ മുഖ്യമന്ത്രിയും ബിജെപി ദേശീയ നേതാവുമായ ശിവരാജ് സിംഗ് ചൗഹാൻ കാലടി ആദിശങ്കര ജന്മഭൂമി ക്ഷേത്രത്തിൽ ദർശനം നടത്തി. മധ്യപ്രദേശിലെ ഓംകാരേശ്വറിലെ നിർമ്മിച്ച ശങ്കര പ്രതിമയുടെ നിർമാണത്തിന് ഇവിടെ നിന്നും മണ്ണ് കൊണ്ടുപോകാൻ ശിവരാജ് സിംഗ് ചൗഹാൻ കുടുംബസമേതം വന്നിരുന്നു. പ്രതിമ നിർമ്മാണം പൂർത്തീകരിച്ച സന്തോഷത്തിൽ ഇവിടെ എത്തിയ അദ്ദേഹം ക്ഷേത്രസന്നിധിയിൽ വൃക്ഷതൈ നടുകയും ചെയ്തു. ക്ഷേത്രത്തിൽ എത്തിയ ശിവരാജ് സിംഗ് ചൗഹാനെ ആദിശങ്കര ജന്മഭൂമി ക്ഷേത്രം മാനേജർ സുബ്രമണ്യ അയ്യർ, അസിസ്റ്റന്റ് മാനേജർ […]