അങ്കമാലി: രാജ്യത്തെ മുൻനിര ആശുപത്രി ശൃംഖലകളിൽ ഒന്നായ അപ്പോളോ ഹോസ്പിറ്റൽസിന്റെ 73-ാം ആശുപത്രിയും കേരളത്തിലെ ഏക അപ്പോളോ ആശുപത്രിയുമായ അങ്കമാലി അപ്പോളോ അഡ്ലക്സ് ഹോസ്പിറ്റൽ വിജയകരമായ അഞ്ച് വർഷങ്ങൾ പൂർത്തിയാക്കി. കഴിഞ്ഞ 5 വർഷത്തെ പ്രവർത്തനകാലയളവിൽത്തന്നെ ആരോഗ്യ മേഖലയിൽ ഒട്ടേറെ നേട്ടങ്ങൾ കൈവരിക്കാൻ അപ്പോളോ അഡ്ലക്സിന് സാധിച്ചിട്ടുണ്ട്. രോഗികൾക്ക് ഏറ്റവും മികച്ച പരിചരണം തന്നെ അപ്പോളോ അഡ്ലക്സ് ഹോസ്പിറ്റൽ ഉറപ്പാക്കുന്നു. മിതമായ നിരക്കിൽ ഗുണമേന്മയാർന്ന സേവനങ്ങൾ നിരവധി സ്പെഷ്യലൈസേഷനുകളിൽ അപ്പോളോ അഡ്ലക്സ് ഹോസ്പിറ്റലിൽ ലഭ്യമാണ്. 2019ൽ പ്രവർത്തനമാരംഭിച്ച് ഹോസ്പിറ്റലിൽ ഇതിനോടകം 200000ൽപ്പരം രോഗികളെ ചികിൽസിച്ചു ഭേദമാക്കാൻ സാധിച്ചിട്ടുണ്ട്.
അപ്പോളോ അഡ്ലക്സ് ഹോസ്പിറ്റൽ അഞ്ചാം വാർഷികത്തോടനുബന്ധിച്ച് കുറഞ്ഞ ചിലവിൽ ആൻജിയോഗ്രാം പരിശോധന നടത്താനുള്ള സൗകര്യം ഒരുക്കിയിരിക്കുന്നു. 555 രൂപയ്ക്ക് ആൻജിയോഗ്രാം പരിശോധന വാഗ്ദാനം ചെയ്യുകയാണ് അപ്പോളോ അഡ്ലക്സ്. ആദ്യം രജിസ്റ്റർ ചെയ്യുന്ന 100 രോഗികൾക്കാണ് 555 രൂപയ്ക്ക് ആൻജിയോഗ്രാം പരിശോധന സാധ്യമാവുക. ഹൃദയ സംബന്ധമായ രോഗങ്ങൾ ഉള്ളവർക്ക് ഇത് വളരെ പ്രയോജനകരമാകും.
മുൻകാലങ്ങളിലെന്നതുപോലെ സാമൂഹിക പ്രതിബദ്ധത ഉറപ്പാക്കിക്കൊണ്ട് ഇത്തരത്തിൽ നിരവധി പദ്ധതികൾ തുടർന്നും അപ്പോളോ അഡ്ലക്സ് ഹോസ്പിറ്റൽ ആവിഷ്‌ക്കരിച്ച് നടപ്പിലാക്കും. കഴിഞ്ഞ 5 വർഷക്കാലം ഞങ്ങളെ വിശ്വസിക്കുകയും പിന്തുണയ്ക്കുകയും ചെയ്ത ഏല്ലാവർക്കും ഞങ്ങളുടെ നന്ദി അറിയിക്കുകയാണ്. ലോകോത്തര നിലവാരത്തിൽ തന്നെ സേവനങ്ങൾ ലഭ്യമാക്കുന്നതിനായി തുടർന്നും ഇതേ പിന്തുണയും സഹകരണവും ഞങ്ങൾ പ്രതീക്ഷിക്കുകയാണെന്ന് സി.ഒ.ഒ ഡോ. ഷുഹൈബ് ഖാദർ പറഞ്ഞു.
