കാലടി : അങ്കമാലി ഉപജില്ലാ സ്കൂൾ കലോത്സവം ഇന്ന് സമാപിക്കും. ഹയർ സെക്കൻഡറി ജനറൽ, ഹൈസ്കൂൾ ജനറൽ, ഹൈസ്കൂൾ സംസ്‌കൃതം എന്നിവയിൽ ബ്രഹ്മാനന്ദോദയം ഹയർ സെക്കൻഡറി സ്കൂൾ മുന്നിട്ടുനിൽക്കുന്നു. യു.പി. ജനറൽ സെയ്ന്റ് ഫ്രാൻസിസ് അസീസി ഇംഗ്ലീഷ് മീഡിയം സ്കൂൾ അത്താണിയും യു.പി. സംസ്‌കൃതം ബി.എസ്. യു.പി.എസ്. കാലടിയും ഒന്നാമതാണ്.
എൽ.പി. ജനറൽ ഹോളി ഫാമിലി എൽ.പി.എസ്. അങ്കമാലിയും യു.പി. അറബിക് സി.ആർ.എച്ച്.എസ്. കുറ്റിപ്പുഴയും എച്ച്.എസ്. അറബിക് ജി.എച്ച്.എസ്.എസ്. ചെങ്ങമനാടും എൽ.പി. അറബിക് ജെ.ബി.എസ്. കുന്നുകരയും മുന്നിട്ടുനിൽക്കുന്നു.
കലോത്സവം ശനിയാഴ്ച സമാപിക്കും. സമാപന ദിനത്തിൽ നാലു വേദികളിൽ മത്സരം ഉണ്ടാകും. ചെണ്ടമേളം, തായമ്പക, മാർഗംകളി, പരിചമുട്ടുകളി, പഞ്ചവാദ്യം, ചവിട്ടുനാടകം, പൂരക്കളി തുടങ്ങിയ ഇനങ്ങളിലാണ് മത്സരം. വൈകീട്ട് 6.30-ന് സമാപന സമ്മേളനം അങ്കമാലി ബ്ലോക്ക് പഞ്ചായത്ത് പ്രസിഡന്റ് കൊച്ചുത്രേസ്യ തങ്കച്ചൻ ഉദ്ഘാടനം ചെയ്യും.
