അങ്കമാലി നിയോജക മണ്ഡലത്തിലെ ഇടതുപക്ഷ ജനാധിപത്യമുന്നണി സ്ഥാനാർഥി സാജു പോൾ ആലുവ തഹസിൽദാർക്ക് നാമനിർദേശപത്രിക നൽകി. രാവിലെ കുറുപ്പുംപടി വേങ്ങൂർ പള്ളിയിൽ പിതാവും മുൻ എംഎൽഎയുമായ പി ഐ പൗലോസിന്റെ കല്ലറയിൽ മെഴുകുതിരി കത്തിച്ച് പ്രാർത്ഥന നടത്തിയതിനുശേഷം ആണ് അങ്കമാലിയിൽനിന്ന് സഹപ്രവർത്തകരുമൊത്ത് പത്രിക സമർപ്പിക്കാൻ സ്ഥാനാർത്ഥി പുറപ്പെട്ടത്.
ആലുവ സിവിൽ സ്റ്റേഷനിൽ പത്രിക സമർപ്പണ വേളയിൽ സ്ഥാനാർത്ഥിയോടൊപ്പം മുൻമന്ത്രി ജോസ് തെറ്റയിൽ,സിപിഎം ജില്ലാ കമ്മിറ്റി അംഗവും ഇടതുപക്ഷ ജനാധിപത്യമുന്നണി കൺവീനറുമായ അഡ്വ.കെ കെ ഷിബു ,സിപിഐഎംഅങ്കമാലി ഏരിയ സെക്രട്ടറി കെ പി റെജീഷ്, സിപിഐ അങ്കമാലി മണ്ഡലം സെക്രട്ടറ എം മുകേഷ് ,കോൺഗ്രസ് / എസ് സംസ്ഥാന ജനറൽ സെക്രട്ടറി മാത്യൂസ് കോലഞ്ചേരി, കേരള കോൺഗ്രസ് എം നേതാവ് മാർട്ടിൻ മുണ്ടാടൻ ,ജനതാദൾ നേതാവ് ബിജു പൗലോസ് എന്നിവരും ഉണ്ടായിരുന്നു.
