മുനമ്പം; രാസ ലഹരിയുമായി യുവാവ് പിടിയിൽ. പുത്തൻവേലിക്കര വാലുംമേൽ ജോയൽ ജോർജ് (22) നെയാണ് റൂറൽ ജില്ല ലഹരി വിരുദ്ധ സ്ക്വാഡും , മുനമ്പം ഡിവൈഎസ്പിയുടെ പ്രത്യേക അന്വേഷണസംഘവും ചേർന്ന് പിടികൂടിയത്. ഇയാളിൽ നിന്ന് 46.55 ഗ്രാം എം എഡി എം എ പിടിച്ചെടുത്തു. ജില്ലാ പോലീസ് മേധാവി എം.ഹേമലതയ്ക്ക് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ ആയിരുന്നു പരിശോധന. ബംഗലൂരിൽ നിന്നും ആലുവയിലേക്ക് ട്രെയിൻ മാർഗ്ഗം വന്ന് പോലീസിന്റെ കണ്ണുവെട്ടിച്ച് രക്ഷപ്പെടാൻ ശ്രമിക്കുന്നതിനിടെ നോർത്ത് പറവൂരിൽ വച്ചാണ് പിടികൂടിയത്.കൊച്ചി സ്വദേശിയായ ഇയാൾ ഇപ്പോൾ പുത്തൻവേലിക്കരയിലാണ് താമസം.സിറ്റി കേന്ദ്രീകരിച്ചാണ് ഇയാൾ മയക്കുമരുന്ന് വിപണനം നടത്തുന്നത്. യുവാക്കൾക്കിടയിലാണ് വില്പന. നാർക്കോട്ടിക് സെൽ ഡിവൈഎസ്പി ജെ.ഉമേഷ് കുമാർ, മുനമ്പം ഡിവൈഎസ്പി എസ് .ജയകൃഷ്ണൻ, വരാപ്പുഴ ഇൻസ്പെക്ടർ എസ്. സുധീഷ് കുമാർ തുടങ്ങിയവരാണ് അന്വേഷണസംഘത്തിൽ ഉണ്ടായിരുന്നത്.
