ആലുവ: ആലുവ ചുണങ്ങംവേലിയിലെ വാടകവീടിന്റെ മുറ്റത്ത് യുവാവ് കൊല്ലപ്പെട്ട സംഭവത്തിൽ പ്രതി പിടിയിൽ. ചുണങ്ങംവേലിയിൽ ജിംനേഷ്യം നടത്തുന്ന കൃഷ്ണ പ്രതാപാണ് എടത്തല പൊലീസിന്റെ പിടിയിലായത്.
കണ്ണൂർ സ്വദേശിയായ സാബിത്ത് (35) ആണ് കൊല്ലപ്പെട്ടത്. കൃഷ്ണ പ്രതാപിന്റെ വെട്ടേറ്റാണ് സാബിത്ത് കൊല്ലപ്പെട്ടത്.
കൊല്ലപ്പെട്ട സാബിത്ത്/ പ്രതി കൃഷ്ണപ്രതാപ്‌
ചൂണ്ടിയിലെ ജിംനേഷ്യത്തിൽ ട്രെയ്നറാണ് സാബിത്ത്. കൃഷ്ണപ്രതാപാണ് സ്ഥാപനത്തിന്റെ ഉടമ. ഇവർ തമ്മിലുള്ള സാമ്പത്തിക തർക്കമാണ് കൊലപാതകത്തിനു പിന്നിലെന്നാണ് സൂചന. കണ്ണൂർ ശ്രീകണ്ഠാപുരം നെടുഞ്ചാരപുതിയപുരയിൽ ഖാദറിന്റെയും പരേതയായ ഫാത്തിമയുടെയും മകനാണ് കൊല്ലപ്പെട്ട സാബിത്ത്. ഭാര്യ ഷെമീല. മക്കൾ: സഹ്റ, ഇവാൻ.
