ആലുവ: നിരന്തര കുറ്റാവാളിയെ കാപ്പ ചുമത്തി നാട് കടത്തി. ബിനാനിപുരം കടുങ്ങല്ലൂർ ഏലൂക്കര കീരംപിള്ളി കോളനിയിൽ കീരംപിള്ളി വീട്ടിൽ ഷെമീർ (35)നെയാണ് ആറ് മാസത്തേക്ക് നാട് കടത്തിയത്. ജില്ലാ പോലീസ് മേധാവി ഡോ. വൈഭവ് സക്സേനയുടെ റിപ്പോർട്ടിൻ്റെ അടിസ്ഥാനത്തിൽ എറണാകുളം റേഞ്ച് ഡി ഐ ജി പുട്ട വിമലാദിത്യയാണ് ഉത്തരവിട്ടത്. ബിനാനിപുരം പോലീസ് സ്റ്റേഷൻ പരിധിയിൽ കൊലപാതകശ്രമം, കഠിന ദേഹോപദ്രവം, അത്രിക്രമിച്ച് കടക്കൽ, തെളിവ് നശിപ്പിക്കൽ, അന്യായതടസം ചെയ്യൽ തുടങ്ങി നിരവധി കേസുകളിൽ പ്രതിയാണ്. കഴിഞ്ഞ ഏപ്രിലിൽ ബിനാനിപുരം പോലീസ് രജിസ്റ്റർ ചെയ്ത കഠിന ദേഹോപദ്രവക്കേസിൽ പ്രതിയായതിനെ തുടർന്നാണ് നടപടി.
