ആലപ്പുഴ: ആലപ്പുഴ പുറക്കാട് വാഹനാപകടത്തിൽ അച്ഛനും മകനും മരിച്ചു. പുറക്കാട് പുന്തല കളത്തിൽപ്പറമ്പിൽ സുദേവ് ( 45 ), മകൻ ആദി ദേവ് (12) എന്നിവരാണ് മരിച്ചത്. അപകടത്തിൽ സുദേവിന്റെ ഭാര്യ വിനീതക്ക് ഗുരുതരമായി പരിക്കേറ്റു. ഇവരെ ആലപ്പുഴ മെഡിക്കൽ കോളേജാശുപത്രിയിൽ പ്രവേശിപ്പിച്ചു. ഇന്ന് രാവിലെയാണ് സംഭവം.
ക്ഷേത്ര ദർശനത്തിന് പോകുന്നതിനിടെയാണ് സംഭവം . ദേശീയ പാതയിൽ പുറക്കാട് ജംഗ്ഷന് സമീപമായിരുന്നു അപകടം.പുന്നപ്ര സ്വദേശിയായ മത്സ്യ വിൽപ്പനക്കാരനായ പ്രകാശന്റെ സൈക്കിളിൽത്തട്ടി ബൈക്ക് റോഡിലേക്ക് വീണപ്പോൾ എതിരെ വന്ന ടോറസിടിച്ചാണ് അപകടമുണ്ടായത്.സുദേവ് അപകട സ്ഥലത്തു വെച്ചും ആദി ദേവ് ആശുപത്രിയിൽ വെച്ചുമാണ് മരിച്ചത്. അപകടത്തിൽ മത്സ്യ വിൽപ്പനക്കാരൻ പ്രകാശൻ, മണിയൻ എന്നിവർക്ക് പരിക്കേറ്റു.
