കാലടി: മലയാറ്റൂർ ഇല്ലിത്തോട് ബൈക്കും കാറും കൂട്ടിയിടിച്ച് വീട്ടമ്മ മരിച്ചു. ഇല്ലിത്തോട് മുണ്ടൻ വീട്ടിൽ റെജീന പൗലോസ് (52) ആണ് മരിച്ചത്. വിനോദ സഞ്ചാരകേന്ദ്രമായ ഇല്ലിത്തോട് മഹഗണിതോട്ടത്തിൽ വിനേദയാത്ര കഴിഞ്ഞ് മടങ്ങി പോകുകയായിരുന്നവരുടെ കാറാണ് ഇടിച്ചത്. റെജീനയുടെ ബന്ധുവായ സെബി ആണ് ബൈക്ക് ഓടിച്ചിരുന്നത്. റെജീനയുടെ വീട്ടിലേക്ക് പോകുകയായിരുന്നു. ഇന്നലെ വൈകീട്ട് 5 മണിക്കായിരുന്നു സംഭവം. ഉടൻ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ഇന്ന് രാവിലെ 5.30 ഓടെ റെജീന മരണപ്പെടുകയായിരുന്നു.
