കാലടി: കാലടി പ്ലാന്റേഷനിലെ കല്ലാല എസ്റ്റേറ്റ് ഡിവിഷൻ ബി ആറാം ബ്ലോക്കിലെ ലേബർ ലൈനുകൾക്ക് കാട്ടാനകൂട്ടത്തിന്റെ ആക്രമണം. കഴിഞ്ഞ ദിവസം രാത്രിയിലാണ് കാട്ടാനകൂട്ടം ആക്രമണം നടത്തിയത്. കെട്ടിടങ്ങളുടെ ഭിത്തിയും വാതിലും തകർത്ത് ആന അകത്ത് കടന്നു. കെട്ടിടങ്ങൾക്ക് കേടുപാടുകൾ വരുത്തി. ലേബർലൈൻനിൽ പ്രവർത്തിച്ചിരുന്ന അങ്കണവാടി കെട്ടിടത്തിനും കേടുപാടുകൾ സംഭവിച്ചു.
ലേബർലൈനുകളിൽ രാത്രി തൊഴിലാളികൾ ഇല്ലാതിരുന്നതിനാൽ വലിയ അപകടം ഒഴിവായി. കേടുവന്ന ലേബർലൈനുകൾ അടിയന്തിരമായി നന്നാക്കണമെന്നും , ലേബർലൈനുകൾക്കുചുറ്റും എത്രയും വേഗം പവ്വർ ഫെൻസ് ലൈൻ സ്ഥാപിച്ച് തൊഴിലാളികൾക്ക് സംരക്ഷണം നൽകണമെന്നും കാലടി പ്ലാന്റേഷൻ തൊഴിലാളി യൂണിയൻ (ഐഎൻറ്റിയൂസി) പ്രസിഡന്റ് പി.ജെ ജോയി ആവശ്യപ്പെട്ടു
