കൊച്ചി: തിരുവനന്തപുരത്ത് നിന്ന് കോട്ടയം വഴി ഷെർണ്ണൂരിലേക്ക് പോവുന്ന വേണാട് എക്‌സ്പ്രസിന്‌ മെയ് ഒന്ന് മുതൽ എറണാകുളം ജംഗ്ഷൻ (സൗത്ത്) സ്റ്റേഷനിൽ സ്റ്റോപ്പുണ്ടാകില്ല. ഇനി മുതല്‍ എറണാകുളം നോര്‍ത്ത് (ടൗൺ) സ്റ്റേഷനിൽ മാത്രമേ ട്രെയിന് സ്റ്റോപ്പ് ഉണ്ടാവുകയുള്ളൂ. ഷൊര്‍ണൂര്‍ നിന്ന് തിരിച്ചുള്ള സര്‍വീസിലും എറണാകുളം സൗത്തില്‍ ട്രെയിനിന് സ്റ്റോപ്പില്ല.
ഇതോടെ ട്രെയിനിൻ്റെ സമയക്രമത്തിൽ മാറ്റം വന്നിട്ടുണ്ട്. ഇനി മുതൽ വേണാട് എക്‌സ്പ്രസ് സാധാരണ സമയത്തെക്കാള്‍ 30 മിനിറ്റ് നേരത്തെ ഓടും. തിരിച്ച് എറണാകുളം നോര്‍ത്ത് മുതല്‍ തിരുവനന്തപുരം വരെയുള്ള എല്ലാ സ്റ്റേഷനുകളിലും പതിനഞ്ച് മിനിറ്റ് നേരത്തെ വേണാട് എക്‌സ്പ്രസ് എത്തും.
