കാലടി: ഇറ്റലിയിലെ മഞ്ഞ് മലയിൽ കുടുങ്ങിയ കാലടി കാഞ്ഞൂർ സ്വദേശി അനൂപിനെ ഇറ്റാലിയൽ വ്യോമസേന രക്ഷപ്പെടുത്തി. മലയിടുക്കിലാണ് അനൂപ് കുടുങ്ങിയത്. സമുദ്ര നിരപ്പിൽ നിന്നും 2400 അടി ഉയരമുളള മലയിൽ ഇറ്റാലിയൽ സുഹൃത്തുമൊത്ത് ട്രക്കിംഗ് പോയതാണ് അനൂപ്. അനൂപ് കാൽ തെറ്റി മലയുടെ ചെരുവിലേക്ക് പതിക്കുകയും മഞ്ഞിൽ പൊതിഞ്ഞ് പോവുകയും ചെയ്തു. രക്ഷാ പ്രവർത്തകർ എത്തിയെങ്കിലും ആദ്യം രക്ഷപ്പെടുത്താൻ കഴിഞ്ഞില്ല. വ്യോമസേനയെ അറിയിച്ചതിനെ തുടർന്ന് വ്യോമസേനയുടെ രാത്രി പറക്കാൻ കഴിയുന്ന ഹെലികോപ്റ്റർ എത്തി അനൂപിനെ രക്ഷിക്കുകയായിരുന്നു.
