കാലടി: ഒരു മണിക്കൂറിനുളളിൽ ഇരട്ട സഹോദരികൾ മരിച്ചു. കൈപ്പട്ടൂർ തൈക്കാടൻ വീട്ടിൽ സിസ്റ്റർ ആൻസിറ്റ (69), മേഴ്‌സി തോമസ് (69) എന്നിവരാണ് മരിച്ചത്. കോട്ടയം സൗത്ത് ചെങ്ങളം എഫ്എസ്എസ്എച്ച് കോൺവെന്റിലാണ് സിസ്റ്റർ ആൻസിറ്റയും, കട്ടച്ചിറയിൽ ഭർത്താവിന്റെ വീട്ടിലാണ് മേഴ്‌സി തോമസും കഴിഞ്ഞിരുന്നത്. കൈപ്പട്ടൂർ പരേതരായ തൈക്കാടൻ ഔസേപ്പ്, ത്രേസ്യാമ ദമ്പതികളുടെ മക്കളാണ് ഇരുവരും.
ശനിയാഴ്ച്ച രാവിലെ 10.10 നാണ് സിസ്റ്റർ ആൻസിറ്റ മരിക്കുന്നത്. പളളിയിൽ പോയി വന്നപ്പോഴാണ് സഹോദരി മരിച്ച വിവരം മേഴ്‌സി അറിയുന്നത്. തുടർന്ന് മേഴ്‌സി കുഴഞ്ഞ് വീണ് മരിക്കുകയായിരുന്നു. രണ്ട് വർഷം മുൻപ് ഇരുവർക്കും ആന്ജിയോപ്ലാസ്റ്റി ചെയ്തിരുന്നു. സിസ്റ്റർ ആൻസിറ്റയുടെ സംസ്‌ക്കാരം തിങ്കളാഴ്ച്ച വൈകീട്ട് 3 ന് സൗത്ത് ചെങ്ങളം സെന്റ് ജോസഫ് പളളി സെമിത്തേരിയിൽ നടക്കും. ഇറ്റലി. മൈസൂർ, തൃശൂർ, കോട്ടയം എന്നിവിടങ്ങളിൽ സേവനം ചെയ്തിട്ടുണ്ട്. മേഴ്‌സി തോമസിന്റെ സംസ്‌കാരം ചൊവ്വാഴ്ച്ച വൈകീട്ട് 4 ന് കട്ടച്ചിറ സെന്റ്, സേവ്യേഴ്‌സ് പളളി സെമിത്തേരിയിൽ നടക്കും. പരേതനായ ജെ. തോമസ് ആണ് ഭർത്താവ്. 3 മക്കളാണ് ഇവർക്കുളളത്.
