കോഴിക്കോട്: പ്രായപൂർത്തിയാവാത്ത പെൺകുട്ടിയെ പ്രണയം നടിച്ച് പീഡിപ്പിച്ച് ഗർഭിണിയാക്കിയ കേസിൽ യുവാവിനെ വെറുതേ വിട്ടു. കോടഞ്ചേരി മുത്തപ്പൻപുഴ കോളനിയിലെ അരുൺരാജൻ (23) നെയാണ് കുറ്റക്കാരനല്ലെന്ന് കണ്ട് കോഴിക്കോട് പോക്സോ അതിവേഗകോടതി ജഡ്ജി രാജീവ് ജയരാജ് വെറുതേ വിട്ടത്.2018-ൽ കോടഞ്ചേരി പോലീസ് രജിസ്റ്റർ ചെയ്ത കേസാണിത്.
കോടതി ഉത്തരവ് പ്രകാരം ഡി.എൻ.എ. പരിശോധനയിലൂടെയാണ് കുട്ടിയുടെ പിതാവ് ആരോപണവിധേയനായ യുവാവല്ലെന്ന് കണ്ടെത്തിയത്. പ്രതിക്ക് വേണ്ടി അഭിഭാഷകരായ സി.എസ്. അനിൽ കുമാർ, പി.എം. ദീപാറാണി എന്നിവർ ഹാജരായി.
