കാലടി: വാഹനാപകടത്തിൽ ഗുരുതര പരിക്ക് പറ്റി ചികിത്സയിലുള്ള യുവാവ് ചികിത്സ സഹായം തേടുന്നു. കാലടി പഞ്ചായത്ത് മരോട്ടിച്ചു വട് ഒന്നാം വാർഡിൽ ബ്ലാവേലി മാധവൻ മകൻ രതീഷാണ്( 38) ഇരുചക്ര വാഹനാപകടത്തിൽപ്പെട്ട് ഗുരുതര പരിക്കുകളോടെ ആസ്റ്റർ മെഡിസിറ്റിയിൽ ചികിത്സയിൽ ഉള്ള യുവാവാണ് സഹായം തേടുന്നത്. ഡിസംബർ 24 രാത്രി ജോലി കഴിഞ്ഞ് മഞ്ഞപ്രയിൽ നിന്ന് മരോട്ടിചുവട്ടിലെ വീട്ടിലേക്ക് മടങ്ങും വഴി കുഴിയം പാടത്ത് വച്ച് നിയന്ത്രണം വിട്ട ബൈക്ക് പോസ്റ്റിൽ ഇടിച്ച് മറിയുകയായിരുന്നു. തലക്ക് ഗുരുതര പരിക്ക് പറ്റിയ രതീഷിന് ശസ്ത്രക്രിയയ്ക്കും, തുടർ ചികിത്സയ്ക്കുമായി 21 ലക്ഷം രൂപ വേണ്ടി വരുമെന്ന് ആശുപത്രി അധികൃതർ അറിയിച്ചു.
സാമ്പത്തിക സഹായം ലഭ്യമാക്കുന്നതിനായി കാലടി പഞ്ചായത്ത് പ്രസിഡൻ്റ് ഷൈജൻ തോട്ടപ്പിള്ളി,ബ്ലോക്ക് പഞ്ചായത്തംഗം സിജോ ചൊവ്വരാൻ എന്നിവർ രക്ഷാധികാരികളും പഞ്ചായത്തംഗം പി.കെ കുഞ്ഞപ്പൻ ചെയർമാനും വാർഡ് മെംബർ സരിത ബൈജു കൺവീനറുമായി ചികിത്സാ സഹായ നിധി കമ്മിറ്റി രൂപീകരിച്ചിട്ടുണ്ട്. വയോധികരായ മാതാപിതാക്കളും, ഭാര്യയും ഒന്നര വയസ്സുള്ള ഏക മകനുമടങ്ങുന്ന നിർധന കുടുംബം നന്മയുള്ള മനുഷ്യരുടെ കാരുണ്യം പ്രതീക്ഷിക്കുകയാണ്. ബാങ്ക് ഓഫ് ബറോഡ മറ്റൂർ ബ്രാഞ്ചിൽ അമ്മ വി കെ ദേവയാനി പഞ്ചായത്തംഗം സരിത ബൈജു എന്നിവരുടെ പേരിൽ ജോയിൻ്റ് അക്കൗണ്ട് രൂപീകരിച്ചിട്ടുണ്ട്.
ബാങ്ക് ഓഫ് ബറോഡ
മറ്റൂർ ശാഖ
A/C നമ്പർ: 6256010OOO4841,
1FSC Code: BARBoVVJMATT
