കാലടി: ക്രിസ്തുമസ് ന്യൂഇയർ സ്‌പെഷ്യൽ ഡ്രൈവിനോട് അനുബന്ധിച്ച് കാലടി എക്‌സൈസ് നടത്തിയ പരിശോധനയിൽ അയ്യമ്പുഴ -കണക്കനാംപാറയിൽ നിന്നും ചാരായം വാറ്റുന്നതിന് പാകപ്പെടുത്തിയ നിലയിൽ സൂക്ഷിച്ചിരുന്ന 505 ലിറ്റർ വാഷ് കണ്ടെത്തി. വാഷ് സംഭവസ്ഥലത്ത് വച്ചു നശിപ്പിച്ചു. പ്രതികൾക്കായി എക്‌സൈസ് അന്വോഷണം ആരംഭിച്ചു. പ്രിവന്റീവ് ഓഫീസർ കെ.എ പോളിന്റെ നേതൃത്വത്തിലായിരുന്നു പരിശോധന. പ്രിവന്റീവ് ഓഫീസർ ഗ്രേഡ് സി.എ സിദ്ദിഖ്, സിവിൽ എക്‌സൈസ് ഓഫീസർ പി.എൻ അജി, വനിതാ സിവിൽ എക്‌സൈസ് ഓഫീസർമാരായ കെ.ജെ ധന്യ, അഞ്ചു കുര്യാക്കോസ്, എക്‌സൈസ് ഡ്രൈവർ സജീഷ് എന്നിവരും അന്വേഷണ സംഘത്തിൽ ഉണ്ടായിരുന്നു.
