തിരുവനന്തപുരം: ജനങ്ങൾക്ക് ഇരുട്ടടിയായി സംസ്ഥാനത്ത് വൈദ്യുതി നിരക്ക് കൂട്ടി. യൂണിറ്റിന് ശരാശരി 20 പൈസയാണ് കൂട്ടിയത്. നിരക്ക് വര്ധിപ്പിച്ച് കെഎസ്ഇബി ഉത്തരവിറക്കി.40 യൂണിറ്റുവരെ പ്രതിമാസ ഉപയോഗമുള്ളവർക്ക് വർധനയുണ്ടായവില്ല. 50 യൂണിറ്റിന് മുകളിൽ ഉപയോഗിക്കുന്നവർക്കാണ് നിരക്ക് വർധന ബാധകമാകുക. പ്രതിമാസം 100 യൂണിറ്റുവരെ ഉപയോഗിക്കുന്നവർ ഇനിമുതൽ 20 രൂപ അധികം നൽകണം.
50 യൂണിറ്റ് വരെ ഉപയോഗിക്കുന്നവര് പ്രതിമാസം 10 രൂപ അധികം നല്കണം. 550 യൂണിറ്റ് ഉപയോഗിക്കുന്നവര് 250 രൂപ അധികം നല്കേണ്ടിവരും. പ്രതിമാസം 40 യൂണിറ്റ് വരെയും ദാരിദ്ര്യരേഖയ്ക്ക് താഴെയുള്ളവര്ക്കും നിരക്ക് വര്ധനവ് ഇല്ല. ഐ.ടി. അനുബന്ധ വ്യവസായങ്ങൾക്കും വില കൂടില്ല. നിരക്ക് വർദ്ധന റഗുലേറ്ററി കമ്മീഷൻ അംഗീകരിച്ചു.
യൂണിറ്റിന് 40 പൈസയാണ് കെഎസ്ഇബി ആവശ്യപ്പെട്ടത്. എന്നാല് 20 പൈസയാക്കി റഗുലേറ്ററി കമ്മീഷന് കുറച്ചു. താരിഫ് വര്ധന കഴിഞ്ഞ ഏപ്രിലിൽ പ്രാബല്യത്തില് വരേണ്ടതായിരുന്നു. എന്നാല് ഹൈക്കോടതിയിലെ കേസും സര്ക്കാര് നിലപാടും മൂലം റഗുലേറ്ററി കമീഷന് നീട്ടി വെക്കുകയായിരുന്നു.
