കാലടി: ശ്രീശങ്കരാചാര്യ സംസ്കൃത സർവകലാശാലയുടെ പ്രധാന പ്രവേശന കവാടത്തിനു സമീപത്തെ ശ്രീശങ്കരാചാര്യരുടെ പ്രതിമയ്ക്കു മുന്നിൻ കൊടി തോരണങ്ങൾ, ബാനറുകൾ, ഫ്ളക്സുകൾ മുതലായവ വക്കുന്നത് സർവകലാശാല നിരോധിച്ചു. ഇവിടെ കൊടി തോരണങ്ങൾ വച്ച് ശ്രീശങ്കരാചാര്യരുടെ പ്രതിമ മറക്കുന്നതിനെതിരെ വിവിധ സംഘടനകൾ പ്രതിഷേധത്തിലായിരുന്നു. പ്രധാനമന്ത്രിക്കടക്കം പരാതികളും നൽകിയിരുന്നു. വിദ്യാർത്ഥി രാഷ്ട്രീയ സംഘടനകളുടെ കൊടികളാണ് കൂടുതലായും ഉണ്ടായിരുന്നത്.
