കാലടി: കാലടിയിൽ മെയ് 16ന് ആരംഭിക്കുന്ന ഇന്റർനാഷണൽ ഫെസ്റ്റിവലിന്റെ മുന്നോടിയായി നർത്തകി രേഷ്മ യു. രാജ് അവതരിപ്പിച്ച വേറിട്ട നൃത്താവിഷ്‌കാരം ശ്രദ്ധേയമായി. പ്രത്യേക ബോർഡിൽ കാൽപാദങ്ങൾ ചലിപ്പിച്ച്കൊണ്ട് ദേവിയുടെ വാഹനമായ സിംഹത്തിന്റെ ചിത്രം വരച്ചാണ് നൃത്തം അവതരിപ്പിച്ചത്. ജവഹർ ലാൽ നെഹ്‌റു മകൾ ഇന്ദിരഗാന്ധിക്ക് അയച്ച കത്തുകൾ ഇതിവൃതമാക്കിയുള്ള നൃത്തവും അവതരിപ്പിച്ചു.
ഫെസ്റ്റിവൽ ചെയർമാൻ കെ. ടി. സലിം ഭദ്രദീപം തെളിയിച്ചു. എ. ആർ. അനിൽകുമാർ അദ്ധ്യ ക്ഷത വഹിച്ചു. കെ. കെ കർണ്ണൻ, പവിഴം എൻ. പി. ജോർജ്, എം. കെ. ലെനിൻ, കെ. എൻ ജയകൃഷ്ണൻ എന്നിവർ പ്രസംഗിച്ചു. ആചാര്യ ഡോ. സി.പി. ഉണ്ണികൃഷ്ണൻ ഇന്റർനാഷണൽ ഫെസ്റ്റിവൽ ക്വിസ്സിൽ വിജയിച്ചവർക്ക് സമ്മാനങ്ങൾ നൽകി
