അങ്കമാലി: കിണറ്റിൽ വീണ ബാലനെ ഫയർഫോഴ്സ് സംഘം രക്ഷപ്പെടുത്തി. നെടുമ്പാശ്ശേരി ചെറിയ വാപ്പാലശ്ശേരിയിലാണ് കളിക്കുന്നതിനിടെ കിണറ്റിൽ വീണ കുട്ടിയെ ഫയർഫോഴ്സ് സംഘം രക്ഷപ്പെടുത്തിയ്. അജിയുടെ മകൻ ഇവാൻ (12) ആണ് അപകടത്തിൽപ്പെട്ടത്. വിവരം ലഭിച്ചതിനെ തുടർന്ന് അങ്കമാലി ഫയർ ആൻഡ് റെസ്ക്യൂ നിലയത്തിലെ സംഘമെത്തി രക്ഷാപ്രവർത്തനം ആരംഭിച്ചു. ഫയർ ആൻഡ് റെസ്ക്യൂ ഓഫീസർ വിപിൻ പി. ഡാനിയേൽ കിണറ്റിൽ ഇറങ്ങി കട്ടിയെ വലയിൽ കയറ്റി മറ്റ് സേനാംഗങ്ങളുടെ സഹായത്തോടെ കരയിലെത്തിച്ചു.
കുട്ടിക്ക് നിസ്സാര പരിക്കുകൾ മാത്രമാണുള്ളത്. സീനിയർ ഫയർ ആൻഡ് റെസ്ക്യൂ ഓഫീസർ ഷിബി എം.ബി.യുടെ നേതൃത്വത്തിൽ അബീഷ് ഗോപി, അഖിൽ ദാസ്, അജയൻ ടി.എസ്., വിഷ്ണു ആർ., പ്രജിത്, അനന്ദു എന്നിവരും ഹോം ഗാർഡുമാരായ കണ്ണദാസൻ, പി.വി. ഷാജൻ, പ്രതീഷ് എന്നിവർ രക്ഷാപ്രവർത്തനത്തിൽ പങ്കെടുത്തു. സമയോചിത ഇടപെടലിലൂടെ വലിയ അപകടം ഒഴിവായതായി നാട്ടുകാർ പറഞ്ഞു.
