കാലടി: ആദിശങ്കര ഇൻസ്റ്റിറ്റ്യൂട്ട് ഓഫ് എൻജിനീയറിങ് ആന്റ് ടെക്നോളജിയിലെ നാലു കോഴ്സുകൾക്ക് നാഷണൽ ബോർഡ് ഓഫ് അക്രഡിറ്റേഷൻ (എൻബിഎ) ലഭിച്ചു. കമ്പ്യൂട്ടർ സയൻസ് ആന്റ് എഞ്ചിനീയറിങ്, ഇലക്ട്രോണിക്സ് ആന്റ് കമ്മ്യൂണിക്കേഷൻ എൻജിനീയറിങ്, ഇലക്ട്രിക്കൽ ആന്റ് ഇലക്ട്രോണിക്സ് എൻജിനീയറിങ്, മെക്കാനിക്കൽ എൻജിനീയറിങ് എന്നീ കോഴ്സുകൾക്കാണ് റീ അക്രഡിറ്റേഷൻ ലഭിച്ചിരിക്കുന്നത്.
ആദിശങ്കരയിൽ നിന്നും പഠനം പൂർത്തിയാക്കുന്ന വിദ്യാർഥികൾക്ക് ഇന്ത്യയിലും, വിദേശരാജ്യങ്ങളിലും എൻജിനീയറിങ് മേഖലയിൽ തൊഴിൽ ലഭിക്കുന്നതിനും ഉപരിപഠനത്തിന് വിദേശ യൂണിവേഴ്സിറ്റികളിൽ പ്രവേശനം ലഭിക്കുന്നതിനും ഈ അക്രഡിറ്റേഷൻ അവസരമൊരുക്കും. പാഠ്യ പാഠ്യേതര മേഖലകളിലെ നേട്ടം, അധ്യാപകരുടെ ഉയർന്ന യോഗ്യത, കോളേജിലെ മികച്ച സൗകര്യങ്ങൾ, പ്ലേസ്മെന്റ്സ്, ഗവേഷണം തുടങ്ങിയവ എൻബിഎയുടെ വിദഗ്ധസമിതി പരിശോധിച്ച ശേഷമാണ് അക്രഡിറ്റേഷൻ നൽകിയത്.
