കാലടി : മഴ പെയ്താൽ കുണ്ടും, കുഴിയും, ചെളിയും നിറഞ്ഞ് കാൽനടയാത്ര പോലും ദുസ്സഹമായിരുന്ന വേങ്ങൂർ കുറ്റിലക്കര റോഡ് മൂന്ന് വർഷങ്ങളിലായി പുനരുദ്ധരിച്ച് നാടിന് സമർപ്പിച്ചു. റോജി എം ജോൺ എം.എൽ.എ. റോഡിൻ്റെ ഉദ്ഘാടനം നിർവ്വഹിച്ചു. ഗ്രാമ പഞ്ചായത്ത് പ്രസിഡൻ്റ് ഷൈജൻ തോട്ടപ്പിള്ളി അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡൻ്റ് ഷാനിദ നൗഷാദ്, വികസന സ്റ്റാൻ്റിംഗ് കമ്മിറ്റി ചെയർപേഴ്സൺ ശാന്താ ചാക്കോ
പഞ്ചായത്ത് അംഗങ്ങളായ ബിനോയ് കൂരൻ, ഷിജ സെബാസ്റ്റ്യൻ, അംബിളി ശ്രീകുമാർ, ആസൂത്രണ സമിതി വൈസ് ചെയർമാൻ ജോയ് പോൾ, സി എം സി സഭാ കൗൺസിലർ ഡോ. സിസ്റ്റർ ജയ റോസ്, റെന്നി പാപ്പച്ചൻ, കെ.സി. ബേബി, പി.വി. സ്റ്റാർളി, എം.ഒ. ആൻ്റണി എന്നിവർ പ്രസംഗിച്ചു.
ഗ്രാമപഞ്ചായത്തിൻ്റെ 2023-24, 2024-25 വാർഷിക പദ്ധതികളിൽ പ്പെടുത്തി 53 ലക്ഷം രൂപയും, ജില്ലാ പഞ്ചായത്തിൻ്റെ 2021-22 വാർഷിക പദ്ധതിയിൽപ്പെടുത്തി 25 ലക്ഷം രൂപയും, റോഡ് കൂടുതൽ ബലപ്പെടുത്തുന്നതിനായും, പ്രവേശന ഭാഗം പൂർത്തിയാക്കുന്നതിനുമായി ഈ പ്രദേശത്തെ വിവിധ സ്ഥാപനങ്ങൾ ചിലവഴിച്ച 3 ലക്ഷം രൂപയും ഉൾപ്പെടെ 81 ലക്ഷം രൂപ ചിലവിലാണ് റോഡ് ടൈൽ വിരിച്ച് നവീകരിച്ചത്. ഗ്രാമ പഞ്ചായത്തിൻ്റെ 16,17 വാർഡുകളിലൂടെ കടന്നുപോകുന്ന ഈ റോഡിന് 1120 മീറ്റർ നീളമാണുള്ളത്.
റോഡ് ബലപ്പെടുത്താൻ ഗ്രാമപഞ്ചായത്തിന് നിയമപരമായ ചെയ്യാവുന്ന അളവിൽ കൂടുതൽ വേണ്ടി വന്ന ജിഎസ്ബി ക്കായി എസ്റ്റിമേറ്റ് തയ്യാറാക്കി സ്ഥാപനങ്ങൾ നേരിട്ട് തുക ചിലവു ചെയ്യുകയായിരുന്നു.
