കാലടി: ആദിശങ്കര ഇൻസ്റ്റിറ്റ്യൂട്ട് ഓഫ് എൻജിനീയറിങ്ങ് ആന്റ് ടെക്നോളജിയിലെ 2025 ബാച്ചിലെ ബിടെക്, എംടെക്, എംബിഎ, എംസിഎ വിദ്യാർത്ഥികളുടെ സംഗമം ‘ഉപനയന 2025 ‘ നടന്നു. ബോംബെ ഐഐടി പ്രൊഫസറും, സംസ്കൃത പണ്ഡിതനുമായ കെ. രാമ സുബ്രഹ്മണ്യൻ ഉദ്ഘാടനം ചെയ്തു. ആദിശങ്കര മാനേജിങ്ങ് ട്രസ്റ്റി കെ. ആനന്ദ് അധ്യക്ഷത വഹിച്ചു. ദക്ഷിണാംമ്നയ ശൃംഗേരി ശാരദാപീഠത്തിലെ ജഗദ്ഗുരു ശ്രീ വിധുശേഖര ഭാരതി സ്വാമികൾ ഓൺലൈനായി അനുഗ്രഹ പ്രഭാഷണം നടത്തി.
പ്രിൻസിപ്പൽ ഡോ. എം. എസ് മുരളി, ആദിശങ്കര ചീഫ് ടെക്നോളജി ഓഫീസർ പ്രൊഫ. പി വി രാജാ രാമൻ, ആദിശങ്കര ജനറൽ മാനേജർ എൻ. ശ്രീനാഥ്, സീനിയർ അസോസിയേറ്റ് ഡയറക്ടർ ഡോ. ജേക്കബ് ജോർജ്, ഡയറക്ടർ അക്കാദമിക്സ് ഡോ. കെ. മീനാക്ഷി, ഡീൻ റിസർച്ച് ഡോ. എസ്. ശ്രീപ്രിയ, പൂർവ്വ വിദ്യാർത്ഥി പ്രതിനിധി മനീഷ് ജി പൈ തുടങ്ങിയവർ സംസാരിച്ചു.
കോളേജിൽ നിന്ന് വിവിധ വിഷയങ്ങളിൽ റാങ്ക് നേടിയവർ, ഉന്നത വിജയം കരസ്ഥമാക്കിയവർ, ഡോക്ടറേറ്റ് നേടിയവർ, ദേശീയ-സംസ്ഥാന പുരസ്ക്കാരങ്ങൾ കരസ്ഥമാക്കിയവർ എന്നിവരെ ചടങ്ങിൽ ആദരിച്ചു. 3000ത്തോളം പേർ ചടങ്ങിൽ പങ്കെടുത്തു.
