അങ്കമാലി: അങ്കമാലി കേന്ദ്രീകരിച്ച് പ്രവർത്തിക്കുന്ന ഏ പി.കുര്യൻ പഠന കേന്ദ്രത്തിൻ്റെ നേതൃത്വത്തിൽ അടിയന്തരാവസ്ഥയുടെ 50-ാം വർഷത്തിൽ “വർത്തമാന ഇന്ത്യ നേരിടുന്ന വെല്ലുവിളികൾ എന്ന വിഷയത്തിൽ സെമിനാർ നടത്തി. കറുകുറ്റി പഞ്ചായത്ത് കമ്മ്യൂണിറ്റി ഹാളിൽ നടന്ന സെമിനാർ ദേശാഭിമാനി ചീഫ് എഡിറ്ററും സി.പി.ഐ (എം) കേന്ദ്ര കമ്മിറ്റി അംഗവുമായ പുത്തലത്ത് ദിനേശൻ ഉദ്ഘാടനം ചെയ്തു. പഠനകേന്ദ്രം ചെയർമാൻ കെ.പി. റെജീഷ് അധ്യക്ഷത വഹിച്ച സെമിനാറിൽ സെക്രട്ടറി കെ.പി.ബിനോയ് സ്വാഗതം പറഞ്ഞു. അഡ്വ: കെ.കെ.ഷിബു ,സി.കെ.സലിം കുമാർ, ജീമോൻ കുര്യൻ, എം.ടി.വർഗ്ഗീസ്, പി.വി. ടോമി, ജിഷ ഗ്യാം, സി.കെ.ഉണ്ണികൃഷ്ണൻ, കെ.പി.ജോബ്, ബിബിൻ വർഗ്ഗീസ്, കെ.പി.അനീഷ് എന്നിവർ സംസാരിച്ചു.സെമിനാറിൽ അടിയന്തരാവസ്ഥയിൽ മർദ്ദനം ഏറ്റവർ ജയിൽവാസം അനുഭവിച്ചവർ, 1975-ന് മുമ്പ് പാർട്ടി അംഗങ്ങളായ മുതിർന്ന സഖാക്കളെ മുദ്രാവാദ്യം വിളികളോടെ ആദരിച്ചു.
