കാലടി: കാഞ്ഞൂർ കോഴിക്കാടൻപടിയിൽ ഗൃഹനാഥന് കുറുനരിയുടെ കടിയേറ്റു. സെബാസ്റ്റിയനെയാണ് കുറുനരി കടിച്ചത്. കാലിനാണ് കടിയേറ്റത്. വൈകീട്ട് 6 മണിയോടയായിരുന്നു സംഭവം. വീടിനടുത്ത് കൃഷിപ്പണി ചെയ്യുന്നതിനിടെയാണ് കുറുനരി കടിച്ചത്. ഉടൻ സെബാസ്റ്റിയനെ മറ്റൂർ സർക്കാർ ആശുപത്രിയിൽ പ്രവേശിപ്പിച്ചു. കൂടുതൽ ചികിത്സക്കായി സെബാസ്റ്റിയനെ കളമശേരി മെഡിക്കൽ കോളേജിലെക്ക് മാറ്റി.
