കണിയാപുരം: ഓണക്കാലമായിട്ടും കെ.എസ്.ആർ.ടി.സി.യിൽ ജൂലായ് മാസത്തെ ശമ്പളം വിതരണം ചെയ്യാത്തതിൽ പ്രതിഷേധിച്ച് ട്രാൻസ്പോർട്ട് എംപ്ലോയീസ് യൂണിയൻ എ.ഐ.ടി.യു.സി.യുടെ നേതൃത്വത്തിൽ കണിയാപുരം ഡിപ്പോയിൽ ബസ് കഴുകി പ്രതിഷേധിച്ചു. യൂണിയന്റെ നോർത്ത് ജില്ലാ സെക്രട്ടറി രാജേഷ് ചെമ്പഴന്തി, ജില്ലാ വൈസ് പ്രസിഡന്റ് എസ്.ഗിരീഷ് കുമാർ, യൂണിറ്റ് പ്രസിഡൻറ് എ.എസ്.സുനിൽ, ഓർഗനൈസിങ് സെക്രട്ടറി ആർ.എസ്.രഞ്ജു, എസ്.എൻ.സഫീർ എന്നിവർ പങ്കെടുത്തു.
ഡിപ്പോയിൽ കിടന്ന ബസുകളും ഡിപ്പോയിൽ വന്നുകയറിപ്പോകുന്ന ബസുകളും കഴുകിയാണ് പ്രതിഷേധിച്ചത്.
