കോട്ടയം ∙ സുഹൃത്തിനെ പിടികൂടിയതിന്റെ പേരിൽ പൊലീസിനു നേരെ പെൺകുട്ടിയുടെ അതിക്രമം. ശനിയാഴ്ച തൃക്കൊടിത്താനം കൈലാത്തുപടിക്കു സമീപമാണു സംഭവം. ഗോശാലപ്പറമ്പിൽ വിഷ്ണുവിനെ (19) അറസ്റ്റ് ചെയ്തതിനെത്തുടർന്നാണു സംഭവം.
യുവാവിന്റെ വീട്ടിൽ പ്രായപൂർത്തിയാകാത്ത പെൺകുട്ടിയെ കണ്ടതായി തൃക്കൊടിത്താനം പൊലീസിനു വിവരം ലഭിച്ചിരുന്നു. പൊലീസെത്തി വിഷ്ണുവിനെ അറസ്റ്റ് ചെയ്തു. വിഷ്ണുവിനെ ജീപ്പിൽ നിന്ന് ഇറക്കിവിടണമെന്നാവശ്യപ്പെട്ട് പെൺകുട്ടി അതിക്രമം നടത്തുകയായിരുന്നുവെന്ന് എസ്എച്ച്ഒ ജി.അനൂപ് പറഞ്ഞു. ഡോറിനിടയിൽപെട്ട് സിപിഒ ശെൽവരാജിന്റെ കൈക്കു പരുക്കേറ്റു. വിഷ്ണുവിനെ റിമാൻഡ് ചെയ്തു. പെൺകുട്ടിയെ അഭയകേന്ദ്രത്തിലേക്കു മാറ്റി.
