ഇന്ത്യയുടെ പ്രഥമ സൗരദൗത്യം ആദിത്യ എല് വണ്ണിന്റെ കൗണ്ട്ഡൗണ് ഇന്ന് തുടങ്ങും. വിക്ഷേപണത്തിന്റെ റിഹേഴ്സല് പൂര്ത്തിയായതായി ഐഎസ്ആര്ഒ ചെയര്മാന് എസ്.സോമനാഥ് അറിയിച്ചു. ശ്രീഹരിക്കോട്ടയിലെ സതീഷ്ധവാന് സ്പേസ് സെന്ററില് നിന്ന് നാളെ രാവിലെ 11.50നാണ് പി.എസ്.എല്.വി റോക്കറ്റില് ആദിത്യ എല് വണ്ണിന്റെ വിക്ഷേപണം. സൂര്യനില് നിന്നു വികിരണങ്ങളെ കുറിച്ചുള്ള പഠനമാണ് ആദിത്യ എല് വണ്ണിന്റെ ലക്ഷ്യം. 5 കൊല്ലവും രണ്ടുമാസവും നീണ്ടുനില്ക്കുന്ന സ്പേസ് ഓബ്സര്വേറ്ററി ദൗത്യം വിജയിച്ചാല് സൂര്യപര്യവേക്ഷണം നടത്തുന്ന നാലാമത്തെ രാജ്യമായി ഇന്ത്യമാറും.
