കാലടി: തിരുവൈരാണിക്കുളം മഹാദേവക്ഷേത്രത്തിൽ നവരാത്രി മഹോത്സവം തുടങ്ങി. നവരാത്രി മഹോത്സവം മഹാരാജാസ് കോളേജ് എം.എ. മ്യൂസിക് വിഭാഗം മുൻ മേധാവി ജി. ഭുവനേശ്വരി ഉദ്ഘാടനം ചെയ്തു. ക്ഷേത്ര ട്രസ്റ്റ് പ്രസിഡന്റ് പി.യു. രാധാകൃഷ്ണൻ, സെക്രട്ടറി എ.എൻ. മോഹനൻ, ജോയിന്റ്‌ സെക്രട്ടറി അശോക് കൊട്ടാരപ്പിള്ളി, അകവൂർ കുഞ്ഞനിയൻ നമ്പൂതിരിപ്പാട്, പി.വി. ദിലീപ് കുമാർ, മാനേജർ എം.കെ. കലാധരൻ എന്നിവർ സംസാരിച്ചു. ദിവസവും വൈകീട്ട് ഏഴിന് തിരുവാതിരകളി, നൃത്തനൃത്യങ്ങൾ, ഭജന തുടങ്ങിയ പരിപാടികൾ ഉണ്ടാകും. പത്തിന് വൈകീട്ട് ആറിന് നവരാത്രിമണ്ഡപത്തിൽ പൂജവെപ്പ്‌, 13-ന് രാവിലെ 7.30-ന് വിദ്യാരംഭം, എട്ടിന് പൂജയെടുപ്പ്, ഒൻപതിന് വിദ്യാഗോപാല മന്ത്രാർച്ചന.
