കാലടി: വെള്ളാരപ്പിള്ളി കുട്ടമന ഭഗവതി ക്ഷേത്രം തിരുവൈരാണിക്കുളം മഹാദേവ ക്ഷേത്ര ട്രസ്റ്റ് ഏറ്റെടുത്തു. അകവൂർ മനയുടെ ഉടമസ്ഥതയിലായിരുന്ന കുട്ടമന ക്ഷേത്രം സാമ്പത്തിക ബുദ്ധിമുട്ടുകൾ അനുഭവിക്കുന്നതുമൂലം അതിന്റെ ഉടമസ്ഥർ തിരുവൈരാണിക്കുളം ക്ഷേത്ര ട്രസ്റ്റിലേയ്ക്ക് ഇഷ്ടദാനമായി നൽകുകയായിരുന്നു. ക്ഷേത്രം ഏറ്റെടുക്കുന്ന ചടങ്ങിൽ തിരുവൈരാണിക്കുളം മഹാദേവ ക്ഷേത്ര ട്രസ്റ്റ് പ്രസിഡന്റ് പി.യുരാധാകൃഷ്ണൻ, സെക്രട്ടറി എ.എൻ മോഹനൻ ജോയിന്റ് സെക്രട്ടറി പി. അശോക് കുമാർ ക്ഷേത്ര ട്രസ്റ്റ് അംഗങ്ങൾ കുട്ടമന ഭഗവതി ക്ഷേത്ര ഉടമസ്ഥരായ അകവൂർ എ.എം വാസുദേവൻ നമ്പൂതിരിപ്പാട്, എ.എം. ഹരിദാസ് നമ്പൂതിരിപ്പാട്, ക്ഷേത്ര ട്രസ്റ്റ് മുൻ സെക്രട്ടറി കെ.എ. പ്രസൂൺകുമാർ കുട്ടമന ഭഗവതി ക്ഷേത്ര കമ്മിറ്റി പ്രസിഡന്റ് എം.കെ. വാസു, സെക്രട്ടറി ടി. ഷൈൻ കമ്മിറ്റി അംഗങ്ങൾ ക്ഷേത്ര ട്രസ്റ്റ് കമ്മിറ്റി ഭാരവാഹികൾ, മുൻ ട്രസ്റ്റ് കമ്മിറ്റി അംഗങ്ങൾ, ജീവനക്കാർ ഭക്തജനങ്ങൾ എന്നിവർ പങ്കെടുത്തു.
