കാലടി: ശ്രീശങ്കര കോളേജിലെ പിടിഎയുടെ നേതൃത്വത്തിൽ വിവിധ മേഖലകളിൽ കഴിവ് തെളിയിച്ച അധ്യാപകരേയും, വിദ്യാർത്ഥികളെയും ആദരിച്ചു. ആദിശങ്കര മാനേജിങ്ങ് ട്രസ്റ്റി കെ. ആനന്ദ് ഉദ്ഘാടനം ചെയ്തു. പ്രിൻസിപ്പാൾ ഡോ. പ്രീതി നായർ അധ്യക്ഷത വഹിച്ചു. പിടിഎ വൈസ് പ്രസിഡന്റ് പി.ആർ മോഹനൻ, സെക്രട്ടറി ഡോ. കെ ഡി മിനി,എക്‌സിക്യൂട്ടീവ് കമ്മിറ്റി അംഗങ്ങളായ കെ.പി സുനി, ഡോ. രതീഷ് സി നായർ, എസ് കെ ജയദേവൻ, സിൽവി ബൈജു, ടോം വർഗീസ്, അലൂമിനി അസോസിയേഷൻ സെക്രട്ടറി ഡോ. കെ.എ അനുമോൾ, കോളേജ് യൂണിയൻ ചെയർമാൻ ബോബിൻ ജോൺ എന്നിവർ സംസാരിച്ചു.
യൂണിവേഴ്‌സിറ്റി തലത്തിൽ റാങ്ക് നേടിയ വിദ്യാർത്ഥികളേയും, വിവിധ ഗ്രാന്റ് ലഭിച്ചഅധ്യാപകരേയും, വിവിധ മേഖലകളിൽ പ്രാവീണ്യം നേടിയ അധ്യാപകരേയും, യൂണിവേഴ്‌സിറ്റി തലത്തിൽ വിവിധ മത്സരങ്ങളിൽ എ ഗ്രേഡ് നേടിയ വിദ്യാർത്ഥിളെയും, വിവിധ കായിക മത്സരങ്ങളിൽ മികവ് തെളിയിച്ച വിദ്യാർത്ഥികളെയുമാണ് ആദരിച്ചത്. ചടങ്ങിൽ വിരമിക്കുന്ന അധ്യാപകർക്കും, ജീവനക്കാർക്കും യാത്രയയപ്പും നൽകി.
