പെരുമ്പാവൂർ: പെരിയാറിൽ കുളിക്കാൻ ഇറങ്ങിയ യുവതി മുങ്ങി മരിച്ചു. ചെങ്ങന്നൂർ സ്വദേശിനി ജോമോൾ (25) ആണ് മരിച്ചത്. പെരിയാർ പുഴയിലെ കോടനാട് അഭയാരണ്യം പ്രദേശത്ത് പനംകുരുത്തോട്ടം ഭാഗത്താണ് അപകടം സംഭവിച്ചത്. ബാംഗ്ലൂരിൽ ഒരുമിച്ച് ജോലി ചെയ്യുന്ന സുഹൃത്തിന്റെ വിവാഹത്തിൽ പങ്കെടുക്കുവാനായി എത്തിയ സംഘത്തിൽ പെട്ടയാളാണ് മരണമടഞ്ഞത്. ബുധനാഴ്ചയാണ് സുഹൃത്തിന്റെ വിവാഹം.
രാവിലെ നാലുപേർ ഒരുമിച്ചാണ് പെരിയാറിൽ കുളിക്കാൻ ഇറങ്ങിയത്. ഇതിൽ മൂന്നുപേർ ഒഴിക്കൽ പെട്ടങ്കിലും രണ്ടുപേർ രക്ഷപ്പെട്ടു. ജോമോൾ കരകയറാൻ ശ്രമിക്കുന്നതിനിടെ കാൽവഴുതി കയത്തിലേക്ക് പോവുകയായിരുന്നു. പിന്നീട് പെരുമ്പാവൂർ ഫയർഫോഴ്സിന്റെ നേതൃത്വത്തിൽ മുങ്ങിയെടുത്ത മൃതദേഹം പെരുമ്പാവൂർ താലൂക്ക് ആശുപത്രി മോർച്ചറിയിലേക്ക് മാറ്റി. കോടനാട് പോലീസും സ്ഥലത്തെത്തി.
