നെടുമ്പാശ്ശേരി: യുവതിയെ തട്ടിക്കൊണ്ട് പോയി സ്വർണ്ണം കൈക്കലാക്കാൻ ശ്രമിച്ച കേസിൽ നാല് പേർ പിടിയിൽ. പാലക്കാട് പള്ളിപ്പുറം പേഴുംകര മുല്ലവളപ്പിൽ വീട് ഫഹദ് (സലാം 27), തൃശൂർ കൊച്ചണ്ടൂർ വടുതല വാളങ്ങാട്ടുപറമ്പിൽ വീട് മുഹമ്മദ് ഷാഹിൻ (30), തൃശൂർ വടക്കേക്കാട് ചൂത്തംകുളം പൂവംകുഴിയിൽ വീട് ഫസീർ ബാബു (30), തൃശൂർ ഇടക്കാഴിയൂർ കപ്പലങ്ങാട്ട് വീട്ടിൽ നിഖിൽ (31) എന്നിവരെയാണ് നെടുമ്പാശ്ശേരി പോലീസ് പിടികൂടിയത്.
വ്യാഴാഴ്ച പുലർച്ചെ ദുബായിൽ നിന്നും നെടുമ്പാശ്ശേരിയിൽ വിമാനമിറങ്ങിയ യുവതിയുടെ പക്കലുണ്ടായിരുന്ന നാല് ക്യാപ്സൾ രൂപത്തിലുള്ള സ്വർണ്ണമാണ് തട്ടിയെടുക്കാൻ ശ്രമിച്ചത്. എയർപോർട്ടിൽ കാറിലെത്തിയ പ്രതികൾ ഇവരെ കാറിൽ കയറ്റിക്കൊണ്ട് പോകുകയായിരുന്നു.അന്വേഷണ സംഘത്തിൽ എസ്.ഐ മാരായ കെ.രാജേഷ് കുമാർ, സി.ആർ. ഹരിദാസ്, എൽദോ പോൾ, എസ്.സി.പി.ഒ പ്രീത, സി.പി.ഒ മാരായ സി.സജീവ്, ശ്രീജു രാജൻ, അരുൺ രവികുമാർ, ജെഫിൻ ജോയ് എന്നിവരാണ് ഉണ്ടായിരുന്നത്.
