കുന്നത്തുനാട്: മൊബൈൽ മോഷ്ടാവായ ഇതര സംസ്ഥാന തൊഴിലാളി പിടിയിൽ . ആസാം നാഗോൺ സോൽഗുരി സ്വദേശി അട്ബൂർ റഹ്മാൻ (22)നെയാണ് കുന്നത്തുനാട് പോലീസ് പിടികൂടിയത്. കഴിഞ്ഞ 26 ന് മണ്ണൂരിൽ സ്ത്രീകൾ താമസിക്കുന്ന ഫ്ലാറ്റിൽ നിന്ന് മൂന്ന് വില കൂടിയ ഫോണുകളും പണവും മോഷ്ടിക്കുകയായിരുന്നു. തുടർന്ന് നടന്ന ശാസ്ത്രീയാന്വേഷണത്തിൽ മലപ്പുറത്ത് നിന്നാണ് ഇയാളെ പിടികൂടിയത്. മോഷ്ടിച്ച ഫോണുകൾ പട്ടാമ്പി, തൃശൂർ എന്നിവിടങ്ങളിലെ കടകളിൽ വിൽക്കുകയായിരുന്നു. ഇത് പോലീസ് കണ്ടെടുത്തു. ഇൻസ്പെക്ടർ വി.പി സുധീഷ്, എസ്.ഐമാരായ കെ.ആർ അജേഷ്, കെ.വി നിസാർ എ എസ് ഐ പി.എസ് കുര്യാക്കോസ്, സീനിയർ സി.പി.ഒ ടി.എ അഫ്സൽ, സി.പി.ഒ എം.എം അനീഷ് എന്നിവരാണ് അന്വേഷണ സംഘത്തിലുള്ളത്.
