ഊന്നുകൽ: ബസ് യാത്രക്കാരിയായ യുവതിയെ ഉപദ്രവിച്ച കേസിൽ സഹയാത്രികൻ അറസ്റ്റിൽ. കീഴില്ലം ത്രിവേണി ഭാഗത്ത് മാടവന വീട്ടിൽ ബിജു കുര്യാക്കോസ് (48) നെയാണ് ഊന്നുകൽ പോലീസ് അറസ്റ്റ് ചെയ്തത്. ഞായറാഴ്ചയായിരുന്നു സംഭവം മൂന്നാറിൽ നിന്നും എറണാകുളം ഭാഗത്തേക്ക് പോകുന്ന ബസിൽ നേര്യമംഗലം ഭാഗത്ത് വച്ചായിരുന്നു യുവതി അതിക്രമം നേരിട്ടത്. എസ്. ഐ ഷാജി മാത്യുവിൻ്റെ നേതൃത്വത്തിലായിരുന്നു അന്വേഷണം.
