കാലടി: ഇന്ത്യ ബുക്ക് ഓഫ് റെക്കോർഡിൽ ഇടം നേടി ഒന്നര വയസുകാരൻ ഇഷാൻ ശ്രീറാം. നൂറ്റി എൺപതിൽപരം വസ്തുക്കൾ തിരിച്ചറിയുക മാത്രമല്ല അവയുടെ സവിശേഷതകളും മനപ്പാഠമാണ് ഇഷാന്. പ്രധാനമന്ത്രി നരന്ദ്ര മോദി, പിണറായി വിജയൻ, ഗാന്ധിജി തുടങ്ങിയ പ്രമുഖ വ്യക്തിത്വങ്ങളെ തിരിച്ചറിയാനും ഉണ്ണികുട്ടന് സാധിക്കും. തീർന്നില്ല സംഗീത ഉപകരണങ്ങൾ, പക്ഷികൾ, വന്യമൃഗങ്ങൾ, വളർത്ത് മൃഗങ്ങൾ, പ്രാണികൾ, ജലജീവികൾ, ആകൃതികൾ, ആക്ഷൻ വേർഡ്സ്, പഴങ്ങൾ, പച്ചക്കറികൾ , മനുഷ്യശരീരത്തിലെ അവയവങ്ങൾ, വീട്ടുപകരണങ്ങൾ, കായികമൽസരങ്ങൾ, വാഹനങ്ങൾ, നഴ്‌സറി ഗാനങ്ങൾ മുതലായവയെല്ലാം ഈ കുഞ്ഞുമനസ്സിലെ ഓർമതാളിൽ ഭദ്രമാണ്. കാഞ്ഞൂർ പുതിയേടം സ്വദേശിയായ ശ്രീറാമിന്റെയും ആതിരയുടേയും മകനാണ്.
