കാഞ്ഞൂർ: ഏഴാം വാർഡ് അംഗമായ സിമി ടിജോയെ കാഞ്ഞൂർ ഗ്രാമപഞ്ചായത്ത് വൈസ് പ്രസിഡന്റായി എതിരില്ലാതെ തിരഞ്ഞെടുത്തു. മുൻ വൈസ് പ്രസിഡന്റ് കെ എൻ കൃഷ്ണകുമാർ പേര് നിർദ്ദേശിച്ചു പതിനൊന്നാം വാർഡ് അംഗം പ്രിയ രഘു പിൻതുണച്ചു. ഗ്രാമപഞ്ചായത്ത് പ്രസിഡന്റ് വിജി ബിജു സത്യവാചകം ചൊല്ലിക്കൊടുത്തു. സഹകരണ ഓഡിറ്റ് വിഭാഗം അസിസ്റ്റന്റ് ഡയറക്ടർ അജീഷ് ജോസ് വർണാധികാരിയായിരുന്നു.പ്രതിപക്ഷ അംഗങ്ങൾ വോട്ടെടുപ്പിൽ പങ്കെടുത്തില്ല. രണ്ടാം തവണയാണ് സിജി പഞ്ചായത്ത് അംഗമാകുന്നത്. യുഡിഎഫ് ഭരിക്കുന്ന പഞ്ചായത്തിൽ ധാരണയെ തുടർന്ന് കെ.എൻ കൃഷ്ണകുമാർ വൈസ് പ്രസിഡന്റ് സ്ഥാനം രാജിവച്ചതിനെ തുടർന്നാണ് വൈസ് പ്രസിഡന്റ് തിരഞ്ഞെടുപ്പ് നടന്നത്.
