കാലടി: അനധികൃത മദ്യവിൽപ്പന. ഒരാളെ കാലടി എക്‌സൈസ് പിടികൂടി. മറ്റൂർ കാഞ്ഞൂക്കാരൻ വീട്ടിൽ ജോയ് (58) ആണ് പിടിയിലായത്. ഇയാളിൽ നിന്നും 3.5 ലിറ്റർ മദ്യം കണ്ടെടുത്തു. പ്രതിക്കെതിരെ വ്യാപകമായ പരാതി ഉയർന്ന് വന്നിരുന്നു. തുടർന്ന് ഇയാളെ എക്‌സൈസ് നിരീക്ഷിച്ച് വരികയായിരുന്നു. ബിവറേജിൽ നിന്നും മദ്യം വാങ്ങിയാണ് ഇയാൾ വിൽപ്പന നടത്തിയിരുന്നത്. എക്‌സൈസ് ഇൻസ്‌പെക്ടർ കെ.ഐ പോൾ, ഉദ്യോഗസ്ഥരായ ടി.വി ജോൺസൻ, പി.ഒ ജോമോൻ, സിദ്ധിഖ്, രജിത്, തസിഎ, സജീഷ് എന്നിവരാണ് അന്വേഷണ സംഘത്തിലുണ്ടായിരുന്നത്.
