കാലടി: ആദി ശങ്കര ഇൻസ്റ്റിറ്റ്യൂട്ട് ഓഫ് എഞ്ചിനീയറിംഗ് ആൻഡ് ടെക്നോളജിയിൽ ദേശീയ സാങ്കേതിക മത്സരവും പ്രദർശനവുമായ ടെക് ഫെസ്റ്റ് ‘അശ്വമേധ 26’ ഫെബ്രുവരി 5-ന് നടക്കും. രാവിലെ 9.30 ന് സൈബർ ഗ്രിഡ് സൊലൂഷൻസ് എക്സിക്യൂട്ടീവ് ഡയറക്ടർ ജി വെങ്കട്ടരാമൻ ഉദ്ഘാടനം ചെയ്യും. ആദിശങ്കര മാനേജിങ്ങ് ട്രസ്റ്റി കെ. ആനന്ദ് അധ്യക്ഷത വഹിക്കും. സിയാൽ ചീഫ് ഇൻഫോർമേഷൻ സെക്യൂരിറ്റി ഓഫീസർ കെ. അനൂപ് നൂതന സാങ്കേതിക വശങ്ങളെക്കുറിച്ച് വിദ്യാർത്ഥികൾക്ക് ക്ലാസെടുക്കും.
വിക്രം സാരാഭായ് സ്പേസ് സെന്റർ, വിവിധ സ്വകാര്യ കമ്പനികൾ, എഐ, മെഡിക്കൽ ഇലക്ട്രോണിക്സ്, ബഹിരാകാശ സാങ്കേതികവിദ്യ, വിവിധ സ്റ്റാർട്ടപ്പുകൾ തുടങ്ങിയവർ അശ്വമേധയിൽ പങ്കെടുക്കും. വിവിധ കണ്ടുപിടുത്തങ്ങളുടെ പ്രദർശനങ്ങളും, ഡ്രോൺ ഷോ തുടങ്ങിയവയും ഉണ്ടാകും. കേരള സ്റ്റാർട്ടപ്പ് മിഷനുമായി സഹകരിച്ച് ‘സ്റ്റാർട്ടപ്പ് 360’, വിദഗ്ധരുടെ സാങ്കേതിക ചർച്ചകൾ എന്നിവയും നടക്കും. 4000-ത്തിലധികം പേർ അശ്വമേധയിൽ പങ്കെടുക്കും. സംസ്ഥാന ടെക്നിക്കൽ എഡ്യൂക്കേഷൻ ഡയറക്ടർ ഡോ. പി. ജയപ്രകാശ് സമാപന സമ്മേളനം ഉദ്ഘാടനം ചെയ്യും. വിദ്യാർത്ഥികളുടെ വ്യവസായ ഇടപെടൽ, പ്രായോഗിക പഠനം എന്നിവ ലക്ഷ്യമാക്കിയാണ് ആദിശങ്കര അശ്വമേധ ടെക് ഫെസ്റ്റ് സംഘടിപ്പിച്ചിരിക്കുന്നത്. വിജയികൾക്ക് സർട്ടിഫിക്കേറ്റിന് പുറമെ ക്യാഷ് അവാർഡുകളും നൽകും.
രാവിലെ 9.30 മുതൽ വൈകീട്ട് 4 വരെയാണ് ഫെസ്റ്റ്. പൊതുജനങ്ങൾക്കും, സ്കൂൾ വിദ്യാർത്ഥികൾക്കും ഫെസ്റ്റ് കാണാം. പ്രവേശനം സൗജന്യമാണ്. കൂടുതൽ വിവരങ്ങൾക്ക് 6282314787
