കാലടി: ബിരുദാനന്തര ബിരുദത്തിൽ സഹോദരിമാരുടെ റാങ്ക് തിളക്കം നാടിനും അഭിമാനമായി. മഹാത്മഗാന്ധി യൂനിവേഴ്സിറ്റി പരീക്ഷയിലാണ് കാലടി സൗത്ത് വെള്ളാരപ്പിള്ളി തൃക്കണിക്കാവ്, പടായത്തുക്കുടിയിൽ ജലാലിന്റെയും(കുവൈറ്റ്), ഷഹർബാന്റെയും മക്കളായ അഹ്സന ഫാത്തിമയും (എം.എസ്.സി സുവോളജി), ഹുസ്ന ഹവ്വയും (എം.എസ്.സി സൈക്കോളജി) ഒന്നാം റാങ്കുകൾ നേടി നാടിൻ്റെയും, വീടിൻ്റെയും അഭിമാനമായത്. മൂത്ത മകൾ അഹ്സന മുവ്വാറ്റുപുഴ നിർമ്മല കോളജ് വിദ്യാർഥിനിയും, ഇളയവൾ ഹുസ്ന ആലുവ യു.സി. കോളജ് വിദ്യാർഥിനിയുമാണ്. ബിരുദതലത്തിലും ഇരുവർക്കും രണ്ടാം റാങ്കുകൾ ലഭിച്ചിരുന്നു.
