കാലടി: നിരന്തര കുറ്റാവാളിയെ കാപ്പ ചുമത്തി നാട് കടത്തി. മറ്റൂർ തോട്ടകം നെടുവേലി വീട്ടിൽ കിരൺ ഷാജി (29) യെയാണ് കാപ്പ ചുമത്തി ആറ് മാസത്തേക്ക് നാട് കടത്തിയത്. റൂറൽ ജില്ല പോലീസ് മേധാവി ഡോ. വൈഭവ് സക്സേനയുടെ റിപ്പോർട്ടിൻ്റെ അടിസ്ഥാനത്തിൽ റേഞ്ച് ഡി.ഐ.ജി തോംസൺ ജോസ് ആണ് ഉത്തരവിട്ടത്.
കഴിഞ്ഞ 5 വർഷത്തിനുള്ളിൽ കാലടി, അങ്കമാലി, കോടനാട് പോലീസ് സ്റ്റേഷൻ പരിധികളിൽ പൊതുജനങ്ങൾക്കിടയിൽ സുരക്ഷിതത്ത്വമില്ലായ്മയും ഭയവും ഉണ്ടാക്കുന്ന രീതിയിൽ കൊലപാതകശ്രമം, അടിപിടി, ആയുധ നിയമ പ്രകാരമുള്ള കേസ്, സ്ഫോടന നിയമ പ്രകാരമുള്ള കേസ്സ്, ഭീഷണിപ്പടുത്തൽ, പട്ടിക ജാതി പട്ടിക വർഗ്ഗക്കാർക്കെതിരെയുള്ള അതിക്രമം തുടങ്ങിയ നിരവധി കുറ്റകൃത്യങ്ങളിൽ ‘ ഉൾപ്പട്ടയാളാണ്.
ഏപ്രിലിൽ കോടനാട് പോലീസ് സ്റ്റേഷൻ പരിധിയിൽ ഒരാളെ ദേഹോപദ്രവമേൽപ്പിച്ച കേസിൽ പ്രതിയായതിനെ തുടർന്നാണ് നടപടി.
