കാലടി: വീട്ടമ്മയേയും മകളേയും കൊലപ്പെടുത്താൻ ശ്രമിച്ച കേസിൽ കാലടി പോലീസ് അറസ്റ്റ് ചെയ്ത ഇതര സംസ്ഥാനത്തൊഴിലാളിയെ റിമാൻഡ് ചെയ്തു. വെസ്റ്റ് ബംഗാൾ മുർഷിദാബാദ് ഫരീദ്പൂർ സ്വദേശി ജുവൽ മണ്ഡൽ (22) നെയാണ് കോടതി റിമാൻഡ് ചെയ്തത്. വെളളിയാഴ്ച്ച വൈകീട്ട് 6 മണിക്ക് കാഞ്ഞൂർ തട്ടാൻ പടിയിലാണ് സംഭവം. പെരുമായൻ വീട്ടിൽ ലിജി മക്കളായ ഹന്ന, സെബാസ്റ്റ്യൻ എന്നിവർക്കാണ് കുത്തേറ്റത്. സ്ക്രൂ ഡ്രൈവറിന് കുത്തുകയായിരുന്നു.
വീടിനകത്ത് ഇരിക്കുകയായിരുന്നു ഇവർ. അകത്ത് കയറിയാണ് കുത്തിയത്. പരിക്കേറ്റളവരെ ആലുവയിലെ സ്വകാര്യ ആശുപത്രിയിൽ പ്രവേശിപ്പിച്ചുരിക്കുകയാണ്. ശബ്ദം കേട്ട് എത്തിയ ബന്ധുക്കളും നാട്ടുകാരും ചേർന്ന് പ്രതിയെ പിടികൂടി പോലീസിന് കൈമാറുകയായിരുന്നു. കുത്താനുപയോഗിച്ച സ്ക്രൂ ഡ്രൈവർ പോലീസ് കണ്ടെടുത്തു. കുത്തേറ്റവരുടെ വീടിന് സമീപത്താണ് ജുവൽ താമസിക്കുന്നത്. 3 കൊല്ലമായി ഇയാൾ ഇവിടെ കഴിയുന്നു.
