കാലടി: വാദ്യകലാരത്‌നം വെള്ളാരപ്പിള്ളി കുട്ടൻ മാരാർ സ്മാരക യുവപ്രതിഭാ പുരസ്‌ക്കാരവും സുവർണ്ണ മുദ്രയും പ്രശസ്ത തിമില കലാകാരൻ തൃപ്രയാർ രമേശന് നൽകി. തിരുവൈരാണിക്കുളം തിരുവാതിര ഓഡിറ്റോറിയത്തിൽ നടന്ന ചടങ്ങിൽ തിമിലാചാര്യൻ വാദ്യകലാകേസരി ചോറ്റാനിക്കര വിജയൻ മാരാർ പുരസ്‌ക്കാരം രമേശന് സമ്മാനിച്ചു. നാദസ്വര ചക്രവർത്തി കലൈമാമണി തിരുവിഴ ജയശങ്കർ ചടങ്ങ് ഉദ്ഘാടനം ചെയ്തു. തിരുവൈരാണിക്കുളം ക്ഷേത്ര ട്രസ്റ്റ് പ്രസിഡന്റ് പി.യു രാധാകൃഷ്ണൻ ചടങ്ങിന് അധ്യക്ഷത വഹിച്ചു. ചേരാനല്ലൂർ ശങ്കരൻ കുട്ടി മാരാർ, ചെറുശ്ശേരി കുട്ടൻ മാരാർ, ചോറ്റാനിക്കര സുഭാഷ് നാരായണ മാരാർ, അമ്പലപ്പുഴ വിജയകുമാർ, ശ്രീമൂലനഗരം മോഹൻ, എം.കെ കലാധരൻ തുടങ്ങിയവർ സംസാരിച്ചു. തുടന്നന്ന് തൃപ്രയാർ രമേശന്റെ നേതൃത്വത്തിൽ 35 ഓളം കലാകാരന്മാർ പങ്കെടുത്ത മേജർസെറ്റ് പഞ്ചവാദ്യം അരങ്ങേറി.
