കാലടി: ശ്രീശങ്കര സങ്കേത് ഫൗണ്ടേഷൻ ഭാരവാഹികൾ മന്ത്രി സുരേഷ് ഗോപിയെ സന്ദർശിച്ചു. കാലടിയിൽ സെപ്തമ്പർ 6 ന് നടക്കുന്ന വിനായക ചതുർത്ഥി ആഘോഷങ്ങളിലേക്ക് സുരേഷ് ഗോപിയെ ഭാരവാഹികൾ ക്ഷണിച്ചു. സ്വർണത്തിൽ നിർമിച്ച രാംലല്ല വിഗ്രഹം, അയോധ്യയുടെ മാതൃക, ധനലക്ഷ്മി വിഗ്രഹം എന്നിവ സുരേഷ് ഗോപിക്ക് നൽകി. ഡൽഹിയിൽ പോകുമ്പോൾ രാംലല്ല വിഗ്രഹവും അയോധ്യയുടെ മാതൃകയും പ്രധാനമന്ത്രി നരേദ്ര മോദിക്ക് നൽകുമെന്ന് സുരേഷ് ഗോപി പറഞ്ഞു. കാലടിയിൽ നടപ്പാക്കേണ്ട വികസന കാര്യങ്ങൾ ഫൗണ്ടേഷൻ ഭാരവാഹികളുമായി സുരേഷ് ഗോപി ചർച്ച ചെയ്തു. നിരവധി കാരുണ്യ പ്രവര്‍ത്തനങ്ങള്‍ നടത്തിവരുന്ന സംഘടനയാണ് ശ്രീശങ്കര സങ്കേത് ഫൗണ്ടേഷന്‍
