കാലടി: എംസി റോഡിൽ കാലടി മരോട്ടിച്ചോടിൽ നിയന്ത്രണം വിട്ട കാർ ബൈക്കിൽ ഇടിച്ച് ബൈക്ക് യാത്രികൻ മരിച്ചു. മറ്റൂർ സ്വദേശി ഷാജി (45) ആണ് മരിച്ചത്. വൈകിട്ട് 6.30 ഓടെ മരോട്ടിച്ചോട് ടോളിൻസ് ടയറിന് മുന്നിലായിരുന്നു അപകടം. അങ്കമാലി ഭാഗത്ത് നിന്നും കാലടി ഭാഗത്തേക്ക് വരികയായിരുന്ന കാറിന് കുറുകെ ഒരാൾ വട്ടം ചാടുകയും ഇതേ തുടർന്ന് നിയന്ത്രണം വിട്ട കാർ വട്ടം തിരിഞ്ഞ് എതിർ ദിശയിൽ വരികയായിരുന്ന ബൈക്ക് യാത്രക്കാരെ ഇടിച്ച് തെറിപ്പിക്കുകയായിരുന്നു.
ബൈക്കിൽ ഉണ്ടായിരുന്ന തമിഴ്‌നാട് സ്വദേശി ശരവണൽ പരിക്കേറ്റ് ചികിത്‌സയിലാണ്. കാർ സമീപത്തെ ബാറിന്റെ മതിലും ഇടിച്ച് തകർക്കുകയും ചെയ്തു. പെരിയാർ റൈസിലെ ജീവനക്കാരനാണ് ഷാജി. തലക്കേറ്റ പരിക്കാണ് മരണ കാരണം.
